Bóri  joq  deme,  bórik astynda

Jaý joq  deme, jar  astynda,

dep  babalarymyz  beker aıtpasa  kerek. Kelmeske ketti  degen  Keńes Odaǵynyń "shyraqshylary" áli  de bar eken... Ata-analarymyz "Lenın bizdiń  atamyz" dep bólshevıkter ánin  shyrqap  ósti,  endi  balalarymyzdyń  Pýtındi  "ata" qylmasyna  kim kepil?

Evrazıalyq ekonomıkalyq odaqtyń qoldaýshylary  Máskeý qalasynda kúnnen kúnge kóbeıýde. «Orys kosmızm» (Rýsskıı kosmızm — eto otechestvennyı poısk prımırenıa sennosteı tradısıonnogo obshestva s dınamıkoı sıvılızasıı býdýshego. V nóm vyrajena planetarnaıa nadejda: ıdeı vseobshego bratstva, nravstvennoı otvetstvennostı, berejnogo otnoshenıa cheloveka k cheloveke ı k prırode) baǵytyn ustanǵan orys jastary Máskeý qalasynda «Molodaıa Evrazıa»  ("Jas Eýrazıa") atty qozǵalys qurypty. Qozǵalys óte aýqymdy. Quramynda orys  jastarynan  basqa, Máskeý qalasynda oqıtyn ózge ult  ókilderi bar, arasynda ózimizdiń qara kóz baýyrlarymyz da júr. Osy kezge deıin Reseıdiń birneshe qalasynda aksıa, mıtıń ótkizgen. Semınar, konferensıa, leksıa, uıymdyq eńbek tájirıbesi, jazdyq saıası lager, mıtıń uıymdastyrǵan. Eýrazıalyq jastar parlamentiń quryp ta  úlgeripti. Jetekshisi Iýrıı Kofner, hatshysy Elnýr Mehtıev. Bólimsheleri Tıraspol, Baký, Kalınıngrad, Kıev, Ýfa, Groznyı, Saratov, Petrozovodsk qalalarynda da bar.

Bir qyzyǵy, bul uıymnyń bólimshesi bizdiń Qostanaı qalasynda qurylǵan,  jetekshisi Evgenıı Koshtenka. Maqsaty:  burynǵy Keńes úkimetiniń ornyn basatyn Eýrazıalyq Odaq qurý, «orys kosmızm» fılosofıasyn damytý. Bir memleket, bir mádınet, bir ult, bir azamattyq bolǵanyn qalaıdy eken. Kerek deseńiz, ortaq shekara, ásker, valútany kókseıtin kórinedi. «EvroOdaq» uıymyn, Evropa sahnasynan álsiretip, onyń ornyn «Eýrazıalyq Odaqpen» basýy kerek, olardyń pikirinshe. «Evrazıalyq Odaq» ataýy osyndaı aram pıǵyldan týyndaǵan. Spesnaz formasyn kıgen áskerı jasaǵy bar. Armandary burynǵy qylyshynan qan tamǵan qyzyl ımperıany ornyna  keltirý, HH ǵasyrdaǵy «orys kosmızm» fılosofıa ókilderi, Knáz Aleksandorvıch Chhedze, Nıkolaı Sergeevıch Týrbeskoı Vladımır Ivanovıch Vernadekıı t.b ıdeıalaryn nasıhattaý. Qazirgi Reseı prezıdenti Pýtındi pir tutady. Urandary; «Evrazııskıı soıýz-Bolshaıa rodına, «Rossıa - prekrasnaıa strana». Qazirgi bılikke kelgen Ýkraına opozısıasyn aıyptap, ýkraındarǵa gýmanıtarlyq qol sozbaqshy bolǵan túrikterdiń usynysyn provakasıaǵa teńegen. Álem saıası sahnasynda AQSH-ty ysyryp, álemdi bılegisi keledi. Ideıalary shovenıstik baǵytqa tolyp tur. Bul uıymdy Reseı bıligi qarjylandyratyn sekildi. Qazaq memleketi úshin bul uıym óte qaýipti!

Maqsat Erbolat