Qazaqstan Respýblıkasy Parlament Senatynyń Tóraǵasy Qasym-Jomart Toqaev keshe Aqtóbe qalasynda oryn alǵan oqıǵaǵa baılanysty osylaı dep málimdedi. Bul týraly Qamshy.kz habarlaıdy.
«Qasıetti Oraza qarsańyndaǵy Aqtóbedegi terakt – bandıtterdiń shekten shyqqan arsyzdyǵy men qanypezerligin kórsetti. Olardy jazalaýdyń eń qatal sharalary qoldanylady» dep jazdy ol óziniń Týıtterdegi akkaýntynda.
Esterińizge salsaq, keshe Aqtóbe qalasynda birneshe qarýly qylmysker eki birdeı qarý-jaraq dúkenine shabýyl jasap, artynan qaladaǵy áskerı bólimderdiń birinen basyp kirýge árekettengen. Lańkesterdiń qolynan 6 adam, onyń úsheýi áskerıler, qaza bolǵany týraly resmı aqparat bar. Al, lańkesterdiń tórteýi olardy ustaý boıynsha arnaıy operasıa kezinde oqqa ushqan, jeti lańkes qolǵa túskeni habarlandy.
