Facebook qoldanýshylary jóninde atalmysh kompanıa qandaı málimetter jınaıtynyn zerttegen málimetter jóninde saraptama júrgizetin maman Vıkı Boıkıs óz bilgen aqparatymen bólisti.
Facebook-ta bólisken barlyq aqparat saqtalynady
Árıne, áleýmettik jeli jarıalaǵan, júktegen barlyq foto, jazba, qyzyqqan is-sharalar, foto, vıdeo, sizdi belgilegen sýretter, jeke hattar, dostaryńyz, akkaýntqa qosylǵan kúnińiz jáne qandaı telefon arqyly kirgenińiz saqtalady.
Jarıalanbaǵan jazbalar
Kezekti jazbańyzdy jazyp, kópshiliktiń nazaryna usynar aldynda aınyp qalyp, ony óshirip tastasańyz da Facebook saqtap qalady.
Óshirilgen jazbalar
Jazǵan pikirińizdi óshirip tastadyńyz ba? Ol kórinbeı tursa da, aqparat serverinde saqtalady.
Facebook-tiń burynǵy qyzmetkeri 2013 jyly bylaı dep jazǵan edi.
«Facebook-ke aqsha berseńiz de siz týraly málimetterdi óshirmeıdi. Akkaýntyn óshirýge bel býǵan adamnyń jeke aqparaty bir adamǵa baılanysty bolmaıdy. Bar bolǵany osy» deıdi ol.
Adamnyń túr álpeti
Facebook-te DeepFace baǵdarlamasy jumys isteıdi. Ol adamdardyń júzinen tanı alady. Dosyńyz fotoda sizdi belgilegen saıyn, ol DeepFace bazasyn toltyryp otyrady. Endigi joly baǵdarlama sizdi eshbir qıyndyqsyz «tanıdy».
Siz kórsetpegen málimetter
Facebook ózi nemese seriktesteriniń kómegimen áleýmettik jelige tirkelgenderdiń paraqshasyn saraptaıdy. Oǵan qandaı jarnama qyzyqtyrady, telefon nomerleri, úı meken-jaıy jáne qosymsha elektrondy poshta, ornalasqan jeri, jynysy, tili, bilim deńgeıi, kirisi, úıdiń baǵasy, aýmaǵy jáne úıdiń salynǵan jyly degen sekildi aqparatty jınastyrady.
Ne qyzyqtyrady
Facebook-ke 360 gradýsty vıdeolardy júkteýge bolady. Onymen kameramen qaıda burǵysy kelese de, bura alady. Al áleýmettik jeli sizge qandaı salalar qyzyqtyratyn zertteıdi.
Facebook-ten tys
Facebook sizdiń basqa qandaı saıttarǵa kiretinińizdi baqylaıdy. Tipti siz áleýmettik jeliden shyǵyp ketseńiz de kýkı arqyly sizdi ańdýǵa tyrysady. Facebook kýrsordyń oryn almasýyna deıin ańdı alady. Bul aqparattarmen Facebook ne isteıdi?
Atalmysh aqparatty túrli maqsatta qoldanady. Eń aldymen qandaı jarnama qyzyqtyratynyn bilý úshin. Biraq kompanıa jasyryn túrde sizdiń basqan lúpilderińiz ben jańalyqtaryńyzdy baqylaı otyra áleýmettik tájirıbe men zertteýler jasaýy múmkin. Siz týraly aqparatty memlekettik organdar men saqtandyrý kompanıalaryna bere alady. Kompanıa qyzmetkerleri ony jeke maqsaty boıynsha da zetteýi yqtımal.
Ne isteý kerek?
Vıkı Boıkıs Facebook–ti qoldanǵanda paıdalanatyn óz erejelerimen bólisti.
Jeke basyńyzǵa qatysty kóp aqparat jarıalamańyz. Balalaryńyzdyń fotosyn shyǵarmańyz. Ásirese ol fotoǵa ruqsat bere alatyn jasqa deıin jetpegenshe.
Facebook-ti qoldanyp bolǵannan keıin, jeliden mindetti túrde shyǵyp ketińiz. Facebook úshin bólek braýzer qoldanyńyz.
Jarnamalardy buǵattap otyryńyz.
Facebook-ti, onyń ishinde Facebook Messenger-di saıası sharalardy uıymdastyrǵan ýaqytta qoldanbańyz. Pikir alańy retinde Facebook-tiń ózin paıdalanyp, hat almasýǵa basqa messendjerdi qoldanǵan abzal. Máselen, Signal, Telegram (Lajy bolsa Facebook–ke tıesili emes messendjeri bolǵany durys).
Daıyndaǵan: Ásem Álmuhanbet
