Astanalyq qyzdyń ıntım sýretterin jigiti taratyp jibergen dep habarlaıdy tengrinews.kz.
Qyzdyń aıtýynsha, onyń sýretteri Jelige jigitiniń kesirinen shyǵyp ketken, súıiktisi ıntım sýretterdi qatelesip, WhatsApp messendjerindegi toptardyń birine salyp qoıǵan.
"Sot otyrysynda qyz jigitiniń oqıǵa bolǵan kúni Hummer markaly kólik satyp alǵanyn jáne kóliktiń janynda ádemi sýret jasaýy úshin, úıdiń aýlasynda sheshingenin aıtqan, al jigit uıaly telefonynyń kamerasyna túsirip alǵan. Bul sýretter ekeýara qoldanýǵa ǵana túsirilgen. Alaıda qyzdyń súıiktisi qatelesip, WhatsApp messendjerindegi Hummer kólikteriniń qoǵamdastyǵy tobyna salyp jibergen. Ol kinásin tolyqtaı moıyndady, endigide mundaıdy qaıtalamaıtynyn aıtyp otyr", - delingen sot qujatynda.
"Shamamen 20.30-da Astanadaǵy Qaldaıaqov kóshesiniń boıynda ornalasqan "London" turǵyn úı kesheniniń qoǵamdyq oryn bolyp esepteletin avtoturaǵynda jalańash sýretke túsken, osylaısha aınalasyndaǵylarǵa syılamaýshylyq kórsetken jáne qoǵamdyq tártipti buzǵan", - delingen sottyń qaýlysynda.
Qaýlydaǵy málimet boıynsha, qyz QR Ákimshilik quqyq buzýshylyq týraly kodekstiń 434-babynyń 1-bóligi boıynsha jaýapkershilikke tartylǵan - oǵan 22 690 teńge somasynda aıyppul salyndy.
