Tanymal gollıvýdtyq akter Kıt Mıddlbrýk bes salmaq boıynsha álemniń burynǵy chempıony kishi Floıd Meıvezer men qazaqstandyq boksshy Gennadıı Golovkın arasyndaǵy kezdesý qashan bolatynyn aıtyp berdi dep habarlaıdy vesti.kz.
Buǵan deıin Mıddlbrýk resmı túrde óziniń tvıtter-paraqshasyna bul kezdesýdiń jarnamasyn jasaǵan edi. Onyń málimeti boıynsha, boksshylar bıyl jazda AQSH-ta kezdesedi eken.
- Eki jaq kelisimge keldi. Jýyq arada sizder muny jańalyqtardan estıtin bolasyzdar. Bastysy bul jańalyq týraly eń birinshi men aqparat tarattym. Osyny umytpańyzdar. Sizder meni qaıtalaýlaryńyzǵa da bolady. "Floıd pen GGG arasyndaǵy jekpe-jek 2017 jyldyń maýsymynda Las-Vegasta ótedi", - deıdi Mıddlbrýk.
- Qaı salmaqta judyryqtasatyn boldy?
- 149 fýnt. Ol úshin Golovkın 10 fýntqa tómen túsýi kerek.
- Bul kezdesýde kim jeńedi dep oılaısyz?
- Floıd jeńedi. Óıtkeni, ol 149 fýntta ózin erkin sezinedi. Ol óz jekpe-jekterine basqa boksshylarǵa qaraǵanda myqty daıyndalady. Meniń oıymsha, Floıd Golovkındi ońaı jeńedi.
Mıddlbrýktyń aıtýynsha, ol kishi Floıd Meıvezermen on jyldan beri jaqsy dos eken. Ol "Jeleznyı chelovek 2", "Chelovek, kotoryı ızmenıl vse", "Ochen plohaıa ýchılka", "Transformery 3" sekildi 35 fılmge túsken.
Buǵan deıin kishi Meıvezerdiń ózi eger Golovkın Andre Ýordty jeńse, qazaqstandyq boksshymen kezdeseýi múmkin ekenin aıtqan edi.
Eske salaıyq, Golovkın 18 naýryzda Nú-Iork qalasasynda Madison Square Garden arenasynda amerıkalyq boksshy Denıel Djeıkobspen (32-1-0, 29 KO) judyryqtasatyn bolady.
