Semeı ákimi men qala turǵyndarynyń kezdesýine SHQO ákimi Danıal Ahmetov qatysty. Onda «Altaı» fýtbol klýbynyń Premer-lıgadan shýmen shyǵyp qalǵany sóz boldy dep habarlaıdy arnapress.kz.

Esterińizge sala keteıik, Qazaqstan fýtbol Federasıasynyń Atqarýshy komıteti klýbtyń sertıfıkattaý talaptaryn saqtamaǵany úshin osyndaı sheshim qabyldaǵan. Oǵan saı «Altaı» klýbynda balalar, jas jetkinshekter jáne jastar fýtbol toptary bolý kerek.  Sonymen qatar, Premer-Lıganyń barlyq klýbtarynyń Ekinshi lıgada jastar komandasy bolý qajet.

«Altaı» jankúıeri Serikbaı Álibekov ákimdi atalmysh klýbty Premer-Lıgaǵa qaıta oralýyna sharalar qoldanýdy surady.

Aımaq basshysy mundaı ótinishke «Altaı» klýbynyń ishindegi jaǵdaıda eń aldymen túsinýdi surady.

«Ótken jyly biz klýbty biriktirdik. Jaqsy qarjylandyrdyq. Joǵary dárejeli jattyqtyrýshyny shaqyrdyq. Biraq qarjy máselesin tekserý barysynda qyzyq derekterdi kórdik. Biz memlekettik qarjynyń qaıda ketkenin bilmeımiz. Tólem júrgizý qurylymy biz úshin túsiniksiz. Bir sózben aıtqanda memleket qarajatyn qalaı bolsa solaı paıdalanǵan. Búgin belgisiz sebepterge baılanysty, sport basshylarynyń kelisiminsiz jattyqtyrýshylar aýysady, klýbty kim basqaryp otyrǵany belgisiz. Eger men barlyǵyn qazbalaı bastasam bul múlde basqa ispen aıaqtalady. Qazaqstannyń birneshe klýbtarynyń basshylary basqa jerde ekenin bilemiz. «Altaı» fýtbol klýbymen de dál osyndaı jaǵdaı qaıtalanǵanyn qalamas edim. Men fýtbol jankúıerlerin tek fýtboldy jaqsy kórip qana qoımaı,oǵan adal, shynshyl fýtbol súıer qaýymdy tartýǵa shaqyramyn» dedi Danıal Ahmetov.