Aýyl sharýashylyǵy vıse-mınıstri Qaırat Aıtýǵanov búgin Astanada ótken baspasóz konferensıasynda bılik ózgertýdi usynǵan konstıtýsıanyń 26-babynyń "jer men jer qoınaýyna" kúshi júrmeıtinin málimdedi. Bul týraly Azattyq habarlaıdy.
Konstıtýsıadaǵy jeke menshik týraly babyndaǵy "Qazaqstan azamaty" degen sózdi "árkim" dep aýystyrý usynysy qyzý talqy týdyrǵan.
"Jeke menshiktegi jerge qatysty jaıttar negizinen jer kodeksinde retteledi, ıaǵnı konstıtýsıanyń 26-babynyń kúshi jer men onyń qoınaýyna júrmeıdi. Sonymen qatar jer kodeksinde sheteldikterdiń jerdi menshikke alýyna múmkindik bermeıtin birqatar shekteýler bar" dedi Qaırat Aıtýǵanov.
QazAqparat agenttiginiń habarlaýynsha, vıse-mınıstr jańa usynys boınysha qazaqstandyqtardyń, sheteldikter menazamattyǵy joq adamdardyń jeke menshik quqyǵyna kepildik beriledi.
Qańtardyń ortasynda Qazaqstanda bılik tarmaqtary arasynda ókilettikterdi bólisý jaıly reformalar aıasynda konstıtýsıanyń birqatar baptaryna ózgerister engizý usynylǵan. Solardyń arasynda konstıtýsıanyń 26 babynyń birinshi tarmaǵynda "Qazaqstan azamaty zańdy jolmen ıelengen kez-kelgen múlkin jekemenshigine ala alady" degen sóılemdegi "azamat" sózin "árkim" dep ózgertý usynylǵan. Halyq arasynda bul usynys konstıtýsıaǵa engizilse onda sheteldikterdiń Qazaqstanda aýyl sharýashylyǵy jerlerin ıelenýine múmkindik beredi degen alańdaýshylyq týdyryp, áleýmettik jelilerde oǵan qarsylyq bildirýshiler kóbeıdi.
Ótken jyly úkimettiń aýyl sharýashylyǵy jerlerin jekeshelendirip, jerdi sheteldikterge jalǵa berý merzimin uzartýǵa múmkindik beretin reformasy jappaı qarsylyq týdyrǵan. Birneshe qalada qarsylyq jıyndary ótip, 2016 jyly mamyrda Qazaqstan prezıdenti Nursultan Nazarbaev jer kodeksiniń daý týdyrǵan baptaryna moratorıı jarıalaǵan.
