Kólik apaty Soltústik Qazaqstan oblysy Penkovo aýylyna jaqyn mańda boldy. 

Beısenbi 9 aqpan kúni Petropavl túbinde VAZ avtokóligi men "KamAZ" júk kóliginiń qatysýymen ajaldy jol apaty oryn aldy, jeńil kóliktiń 23 jasar júrgizýshisi oqıǵa ornynda qaza tapty dep habarlaıdy Sputnik Qazaqstan agenttigi. Jol apatynyń janynan ótip bara jatqan avtokóliktiń beıneregıstratoryna túsirilgen jazba áleýmettik jelilerde tarap ketti.

"Jedel tergeý toby kelgennen soń Chelábınsk-Novosıbırsk avtojolynyń 543 shaqyrymynda saǵat 16:30-da "VAZ-21140" avtokóliginiń júrgizýshisi rólge ıe bola almaı, qarsy betke ótip ketip, "KamAZ-5320" júk kóligine soǵylǵany anyqtaldy", — dep habarlady Soltústik Qazaqstan oblysy ishki ister departamentiniń baspasóz qyzmeti agenttikke.

Jol-kólik apaty deregi boıynsha QR QK 345 baby 3 bóligine sáıkes sot aldy tergeý isi bastaldy.