Qytaıdyń áleýmettik jelileriniń birinde qazaqstandyq ánshi Dımash Qudaıbergenniń qytaılyq jankúıerlerinen qashyp bara jatqan vıdeosy jarıalandy.
Oqıǵa Shańsha áýejaıynda bolǵany belgili boldy, ol ádettegideı óziniń kezekti túsirilimine barǵan eken. Áýejaıda Dımashtyń kelýin taǵatsyzdana kútip turǵan qytaılyq jankúıerleri ony kóre sala shýlap júgire bastaǵan. Qytaı qyzdarynyń kóptiginen sasyp qalǵan qazaqstandyq ánshi qasha jónelgenimen, jankúıerlerinen alysqa qashyp qutyla almady. Keıinnen jymıdy da, qytaılyq jankúıerlerimen sýretke túsken.
Jelide taralǵan vıdeony kórgen ınternet qoldanýshylary atalmysh jaıtqa qatysty túrlishe pikirler bildirýde:
"Mynalar qaıter eken-eı! Sońynan shyraq alyp túsipti ǵoı bizdiń Dımashtyń!
Baıaǵyda Maıkl Djeksonǵa fanattary osylaı bas uryp, jylap eńirep jatqanyn kórip edim. Bizdiń Dımash túbi álemdi aýzyna qaratqan juldyz bolaıyn, dep tur. Til kózden saqtasyn!
Onyń densaýlyǵyna kesirimiz tımesin! Mádenıetti bolaıyq», «Fotoǵa túsirgende, telefonnyń jaryǵyn óshirińizdershi, Dımashtyń kózine áser etedi"
