UQK tóraǵasynyń orynbasary Erlan Qarınniń jańa laýazymyna qatysty óz pikirin bildirdi dep habarlaıdy tengrinews.kz, málimettiń qazaqsha nusqasyn «Qamshy» portaly oqyrman nazaryna usynady.

10 aqpan kúni Ulttyq Qaýipsizdik Komıteti Qazaqstandaǵy ekstremızm men terorızmge qarsy memlekettik jobany talqylady. Bul jıynǵa kúni keshe ǵana «Qazaqstan» Respýblıkalyq Teleradıokorporasıasy» Aksıonerlik Qoǵamynyń tóraǵasy bolyp saılanǵan Erlan Qarın de qatysýy kerek bolatyn.

«Biz Erlan Qarındi óz pikirin bildirsin dep shaqyrǵan bolatynbyz. Alaıda, kúni keshe ǵana ony jańa qyzmetke taǵaıyndady», - dep málimdedi UQK tóraǵasynyń orynbasary Nurǵalı Bilisbekov.

Ol Erlan Qarınniń Qazaqstan Strategıalyq zertteý ınstıtýtynda jasaǵan eńbekterin aıta ketti.

«Ol óz isiniń mamany, Erlan Qarın jańa qyzmetke taǵaıyndalǵan soń jańa profılaktıka (terorızm men ekstremısterge qarsy) jumysy qarqyndaı bastaıdy dep senemiz. Onymen buǵan deıin de sóıleskenimde óziniń daıyn ekendigin, óziniń áriptesterimen birge memlekettik jobanyń daıyn túrin ekspertterdiń baǵalaýyna jiberý úshin jumys jasap jatqandyǵyn jetkizgen bolatyn», - dep óz pikirin aıtty UQK tóraǵasynyń orynbasary.

Esterińizge sala ketsek, Erlan Qarın keshe «Qazaqstan Respýblıkalyq Teleradıokorporasıasy» Aksıonerlik Qoǵamynyń tóraǵasy bolyp saılanǵan bolatyn. Osy ýaqytqa deıin ol Qazaqstan Strategıalyq zertteý ınstıtýtyn basqarǵan. Ol «Orta Azıadaǵy ekstremızm», «Qazaqstannyń ulttyq qaýipsizdigi: qaýip ıerarhıasy», «Qazaqstannyń ishki saıasaty: jańa basymdyqtardyń jasalýy» atty kitaptarynyń avtory. 

Aýdarǵan: Nazerke Labıhan