Búgin Memleket basshysy Nursultan Nazarbaev QR Konstıtýsıasynyń 26-babyn ózgerissiz qaldyrýdy usyndy.
Osyǵan baılanysty saıasatker Erlan Qarınniń pikirin qamshy.kz oqyrman nazaryna usynady.
«Elbasynyń bul málimdemesi saıası reformalardyń mańyzdylyǵyn odan da arttyryp otyrǵan sıaqty. Konstıtýsıa bul tek qana quqyqtyq normalardyń jıyntyǵy emes, bul eń bastysy, saıası qundylyqtar men prınsıpterdiń tujyrymdamasy, ulttyń saıası manıfesi. Osy turǵydan qaraıtyn bolsaq, bul reformalar - sol engiziletin ózgeristerden basqa, damýdyń jańa paradıgmalaryn aıqyndaıtyn sıaqty. Onyń biri, Elbasy óz sózinde aıtqanyndaı, qoǵamda prınsıpıaldy máseleler boıynsha konsensýs, kelisim bolýy qajet. Búgin osy qaǵıdat taǵy da kórinis tapty. Sondyqtan, bul reformalardy jáı Konstıtýsıalyq ózgerister dep emes, memlekettik saıasattaǵy paradıgmalyq ózgerister dep qabyldaý qajet».
