Qazyna, 20 jas

«Men Tarazdan Almatyǵa keldim. Ýnıversıtetke tústim. Qalada týystarym bolmady. Ol kezde nebári 17-de edim. Jataqhanada turdym. Buzylǵan qyzdardyń ortasyna túsip oqýymdy tastap kettim. Sabaqqa kóp kelmegendikten ýnıversıtetten shyǵaryp jiberdi. Úıge qaıtyp barǵym kelmedi. Jumys tappaı júrgende qurbym bir «aǵashkanyń» úıine túneýge shaqyrdy. Men kishkene qorqaqtadym. Ertesi kúni 50 jastaǵy er adam árqaısymyzǵa 100 dollardan berdi».

Araı, 21 jasta

«Men Jarkenttenmin. Almatyǵa ekonomıs bolamyn, kolejde  oqımyn dep kelgenmin. Alaıda ata-anam oqýǵa jibergen aqshany jaratyp tastadym. Oqýdyń aqshasy tólenbegendikten kolejden shyǵaryp jiberdi. Kafede daıashy bolyp jumysqa turdym. Odan keıin karaokede jumys isteı bastadym. Dál sol jerde "klıenttermen" baılanys ornattym. Olardyń kóbine sheteldikter. Iaǵnı qytaılyq, japondyq jáne koreılikter. Seıfýllınadaǵy túngi klýbta da jumys isteımin. Bir túnde 50 den 200 dollarǵa deıin tabamyn. Úıge qaıtyp barǵym kelmeıdi. Áke-sheshem meni jaqsy jumys tapty dep oılap júr. Al aıtýǵa uıalamyn».

Sajıda, 19 jas

«Men dalada qaldym. Sondyqtan shaqyrý boıynsha jumys isteýge týra keldi. Saýnaǵa qurbylarymen bardym. Eki qurbymmen jumysshy erkektermen bir úıde turǵan kezderde de boldy. Olardyń sany onǵa jetetin. Onyń ishinde jasy da, kárisi de bar edi. Qazir Qaskelenge baratyn joldyń boıynda ornalasqan bazarlardyń birinde jumys isteımin. Saýdagerler meniń qyzmetime saǵatyna 2-3 myń teńge tóleıdi».

Jibek, 20 jas

«Meniń anam jas jigitke turmysqa shyqty. Biraz ýaqyttan keıin ol maǵan tıise bastady. Anam maǵan kómektesýdiń ornyna meni úıden  qýyp shyqty. Qyzdarmen páterde turatyn qurbymmen birge tura bastadym. Bir kúni ol meni bir jigittermen tanystyrdy. Olar maǵan páterge birge barýdy usyndy. Men bas tarttym. Sol kezde bireýi uıaly telefonymdy alyp laqtyryp jiberemin dep qorqytty. Sondyqtan barýǵa týra keldi. Olar meniń sýsynyma birdeńeni qosyp jiberipti. Tań erteń sol jigitterdiń janynda oıandym. Kóshede júgirip jylap kele jatqanym esimde. Men de tipti qujattarymda bolmady. Endigi bir joly meni eresek taksı júrgizýshisi zorlap ketti. Osydan keıin jezókshelikpen aınalysa bastadym. Sebebi maǵan aqsha kerek edi».

Málimet facebook-tegi Kazakh Tours paraqshasynan alyndy.