UQK sotqa deıingi tergeý sheńberinde elordada «Hızb-ýt-Tahrır» dinı-ekstremıstik uıymynyń bataýysh uıymyn qurýǵa nıettengen Astana qalasynyń turǵyny «A.K.» ustady dep habarlaıdy qamshy.kz UQK baspasóz qyzmetine silteme jasap.

Buǵan deıin aqpan aıynda «Hızb-ýt-Tahrır» ıdeıasyn nasıhattaıtyn paraqshalardy taratý kezinde onyń Almatydaǵy jaqtasy «M.E.» ustalǵan bolatyn.

Atalǵan faktiler boıynsha tergeý amaldary júrgizilýde.

Aıta keteıik, «Hızb-ýt-Tahrır» ózin «álemdik halıfat» qurýdy kózdeıtin saıası partıa retinde kórsetedi.

Ol úshin álemniń túrli elderinde dindar adamdar arasynan jaqtastar tartýmen aınalysatyn jasyryn bastaýysh uıymdar qurýda. «Hızb-ýt-Tahrır» ıdeologıasy zaıyrly úkimetke qarsy qarýly kúreske de ruqsat etedi.  

Atalǵan uıym Reseıde, Pákistanda, kóptegen arab memleketterinde, Eýropa, Ońtústik Shyǵys jáne Orta Azıa elderinde lańkestik uıym retinde zańmen qýdalanady.

Qazaqstanda «Hızb-ýt-Tahrır» qyzmeti 2005 jyldyń naýryz aıynda Astana qalasynyń sotymen ekstremıstik dep tanylyp,  tyıym salynǵan.

Sol ýaqyttan beri quqyq qorǵaý jáne arnaıy organdar onyń 160 basshysy men belsendilerin qylmystyq jaýapkershilikke tartty. 700-den asa adam ekstremıstik ıdeologıadan óz erkimen bas tartty.

Qazaqstanda «Hızb-ýt-Tahrır» áreketterin qaıta jandandyrýdyń jekelegen umtylystary ádette syrtqy nasıhat yqpaly arqyly kórinis tabýda.