Reseıdiń Kırov oblysyndaǵy Aleksandrovsk aýylynyń turǵyny óziniń týǵan qyzyn 12  jyl boıy sandyqtyń ishinde tyǵyp ustaǵan dep habarlaıdy qamshy.kz today.kz-ke silteme berip.

Osy ýaqyt aralyǵynda Marıa Mıhalısına tek qana nannyń qoqymdarymen ǵana tamaqtanǵan.

Áıel óziniń qyzyn 6 jasynda sandyqqa tyqqan. Jyldar boıy sandyq ishinde bolǵan Marıany ol  18 jasqa tolǵanda ǵana 1989 jyly bosatqan. Ol ýaqytta qyzdyń boıy 60 santımetr, aıaqtary óte qysqa bolyp qalǵan. Tabylǵan qyzdy sol kezde «Rodnık» atalatyn  balalar úıine jibergen. Balalar úıiniń dırektory Inessa Zaharevıch qyzdyń sol ýaqytta  sóıleı de, júre de almaǵandyǵyn jetkizgen. 20 jasynda Marıa óz emosıasyn shapalaq arqyly jetkizgen eken.

Sandyq ishinen tabylǵan qyzdy ınternattaǵylar «sandyq qyzy» dep atap ketken, psıhonevrologıalyq ınternatqa 27 jasynda túsken ol, áli kúnge deıin sonda ómir súredi.