Búginde kez-kelgen saýda ornyna barsańyz «KFC»-ge kezekke turǵan uzyn sonar halyqty kóresiz dep jazady qamshy.kz. Tipti, oryn shanshar oryn bolmaı jatady. Bir tańqalatynym nelikten halyq osynshalyqty bul taǵamǵa yntyq bolyp turady, nege jalyqpaıdy? Kerisinshe, suranys jyl saıyn joǵarlap, elimizdiń túkpir-túkpirindegi saýda oryndarynda boı kótere bastady.
Alǵash AQSH-ta paıda bolǵan bul qýyrylǵan balapandardyń qazirgi kezde brendke aınalyp úlgergeni tań qaldyrady. Alǵash Garlan Sanders esimdi adam oılap taýyp, jalpy jurtshylyqqa usynǵan eken. "KFC" sóziniń tolyq jazylýy – Kentucky Fried Chicken. Iaǵnı , "Kentýkkıalyq qýyrylǵan balapany" degendi bildiredi. Bir ret dámin kórgen adamdy yntyqtyryp turatyn qupıaǵa tolyp astyń ózindik qupıasyn halyqtan áli kúnge deıin jasyryn ustap keledi.
Kishkentaı dúnıeden úlken bir serpilis týǵyzyp, álemdik qoldanysqa engizgen baqytty jannyń jasaǵan ǵajaıybynyń arqasynda AQSH-ta paıda bolǵan bul taǵamdy álemniń qaı buryshyna baryp izdeseńiz qınalmaı-aq taýyp alasyz. Osy arqyly ózderine sansyz paıda túsirip jatqan kásipkerlerdiń de qatary artyp keledi. Sebebi jaqyndarymyzben bas qosyp, kóterińki kóńil-kúı syılaýdyń eń tıimdi ádisi dep sanaıtyn jandardyń legi kóp.
Bir ókinishtisi, biz taýyq etine degen sheksiz súıispenshiligimiz arqasynda sheteldiń qarjysyn qampaıtyp, óz qaltamyzdy qaǵyp jatyrmyz. Álemdik brendtiń qudirettiligin moıyndaı otyryp, taǵamnyń tańǵajaıyp dáminen eshqashanda bas tartpaıtynymyzdy dáleldep kelemiz.
Aqıqatyna kelsek, Qazaqstanda óziniń ulttyq taǵamdaryn osyndaı álemdik deńgeıde úlken suranysqa ıe bolǵyzyp, brendke aınaldyrýǵa qaýqarly. Qymyzdyń ózi talaı sheteldiktiń tańdaıyn qaqtyryp júr emes pa?
Demek, «KFC» syndy bedeldi de paıdaly taǵamdar jelisine kezek kútip turǵansha, ulttyq taǵamdarymyzdyń suranysqa ıe bolýynyń joldaryn qarastyryp, sonyń taǵdyryna alańdaıyq.
Tilegen Kógershin
