Reseı ǵalymdary qaterli isiktiń barlyq túrin emdeıtin dári oılap tapqanyn jáne ǵaryshta synaqtan ótkizkenin habarlady. Bul emdik preparat úsh-tórt jylda paıdalanylýǵa beriledi. Bul týraly «Izvestıa» gazetine Federal medıko-bıologıalyq agenttiginiń asa taza preparattar Memlekettik ǵylymı-zertteý ınstıtýtynyń dırektorynyń orynbasary Andreı Sımbırsev aıtyp berdi. 

Basylymnyń málimetinshe, bul preparat bıotehnologıa arqyly jasalǵan jáne qaterli isikti emdeýge arnalǵan jańa qural. Aıtýynsha, jetistikke ǵaryshta ótkizilgen zertteý arqyly qol jetkizilgen, osylaısha ınstıtýt onkologıada naǵyz revolúsıa bolatyn dáriniń klınıkaldy synaǵyn aıaqtady.  

«Preparatymyzdyń shartty ataýy – «jylý shogynyń aqýyzy» («Belok teplovogo shoka»). Bul - adamnyń stressorlyq túrli yqpalyna jaýap retinde kez kelgen jasýshasymen sıntezdeletin molekýla. Munyń bar ekenin ǵalymdar erte kezden bilgen. Bastapqyda aqýyzdyń jasýshany zaqymnan qorǵaıtyny ǵana kútildi. Al keıin erekshe qasıeti bar ekeni anyqtaldy - jasýshasyndaǵy ımýndyq júıeniń isingen antıgenderin kórsete alady jáne osylaısha isinýge qarsy ımýndyq yqpalyn kúsheıtedi», - dedi Sımbırse. 

Sımbırsevtiń aıtýynsha, preparat melanom jáne sarkom sekildi qaterli isik túrine shaldyqqan tyshqan men egeýquıryqqa salynǵan. Preparat syrqattyń kez kelgen kezeńinde de tıimdi bolyp tabylyp, jaǵymdy nátıje kórsetken. Synaq kezinde dáriniń janama áserleri anyqtalmasa da, qaýipsizdik jónindegi sońǵy sheshim shyǵarýǵa áli bir jyldaı ýaqyt kerek kórinedi. Tek sodan keıin ǵalymdar jańa preparat boıynsha klınıkalyq synaq júrgizýge kirisedi. Al, klınıkalyq synaq jumystaryna ádette 2-3 jyl ýaqyt ketedi.