Shymkentte adam urlaý men óltirý fakti boıynsha qylmystyq is qozǵaldy dep habarlaıdy «Qamshy portaly» caravan.kz-ke silteme jasaı otyra. 30 jasar taksıshini óltirgen qylmyskerler  ishimdikke qatty mas bolǵandyqtaryn jetkizgen.      

Byltyrǵy jyldyń qyrkúıek aıynda  30 jasar shymkent turǵyny Iýnýs B. iz-tússiz joǵalyp ketken.

Daewoo Gentra markaly avtokóligimen taksıshi bolyp qyzmet atqarǵan ol jumys barysynda birneshe ret mindetti túrde óziniń jubaıymen habarlasyp otyratyn bolǵan.  Úsh balanyń ákesi ol jol-jónekeı tapqan aqshasy jaıly jubaıyna aıtyp otyrǵan.

Oqıǵa oryn alǵan kúni Iýnýs B. ádettegideı jumysqa shyqqan. Saǵat túngi 10-nan bastap áıeline habarlaspaı, túnde úıine de qaıtyp oralmaǵan. Tańerteń kúıeýiniń joqtyǵyna shoshynǵan áıeli polıseı qyzmetkerlerine kúıeýiniń joǵalǵany týraly habar bergen.  

Arada úsh kún ótken soń qaladan birneshe shaqyrym jerde kezdeısoq júrginshiler  zaqymdary kóp er adamnyń denesin kórip qalǵan. Qoldary, aıaǵy men moınyna arqan baılanǵan qatty zaqymdanǵan adam denesi onyń kisi qolynan qasaqana óltirilgendigin baıqatqan. Syrt kıimi sheshilip aýzyna tyǵylǵan er adamnyń denesi uryp-soǵylǵan jáne  eshbir qujaty joq bolǵan.

Polısıa qyzmetkerleri tabylǵan adamnyń joǵalǵan Iýnýs B. bolýy múmkin ekenin ańǵarǵan. Qatty alańdap, kútip otyrǵan áıeli óz kúıeýin mundaı kúıde kóremin dep tipti oılamasa kerek. Qatty azaptanǵan, qaljyraǵan deneni tanýǵa kelgen kezde óz kúıeýin tanymaı qalǵan. Tek qana kıimderin kórgen kezde ǵana olardyń kúıeýine tıesili ekenin aıtqan.

Urlanǵandardyń ishinde  Daewoo Gentra avtokóligimen qosa uıaly telefon da bolǵan. Telefon arqyly  Saryaǵash aýdany meken jaıy  anyqtalǵan. Marqumnyń áıeliniń aıtýynsha Nokia modeliniń telefony  árkez kúıeýiniń qolynda bolǵan.

Nátıjesinde urlanǵan telefondy satyp alǵan azamat tabyldy. Ol óz kezeginde ol telefondy sol aýdannyń turǵyndarynan satyp alǵandyǵyn jetkizgen. Aýdanda barlyǵy bir-birin tanıtyn bolǵandyqtan satyp alýshy ózine telefondy kim satqanyn, aty-jónin múdirmeı aıtqan.

 Osynyń nátıjesinde urlyq úshin sottyǵy bar 32 jasar Qanat Kamalov pen týra sondaı urlyq úshin buryndary sottalǵan 42 jasar Rasýl Shaızakov ustalǵan.

Qylmyskerler  Daewoo Gentra avtokóligin satpaqshy bolyp jatqan jerden tabylǵan. Ekeýin de, bul avtokólik urlanǵan ekendigi jáne ıesin ózderi óltirip ketkendigi, mazalamaǵan da.

Ustalǵandar birden ózderiniń kinálaryn moıyndaǵan. Qylmys oryn alǵan kúni ekeýi: Kamalov pen Shaızakov Shymkentke biraz turaqtaýǵa kelgen. İshimdikke sylqıa toıyp alǵan olar taksı ustap,ekeýin qala syrtyna aparyp tastaýyn suraǵan. Qala syrtyna shyqqanda ekeýi taksıstke tap bergen, ony uryp-soqqan. Iýnýs B. óz kezeginde qorǵanýǵa tyrysyp, olarǵa qarsy judyryqtasqan. Iýnýstyń bul áreketi shymbaılaryna batqan eki qylmysker ony baılap, ary qaraı adam joq jerge aparyp sol jerde óltirgen.

 O.Q oblysynyń mamandandyrylǵan aýdanaralyq sotynyń sheshimimen Kamalov pen Shaızakov   kóptegen aýyr qylmystar boıynsha jazaǵa tartyldy: adam urlaý, buzaqylyq, qasaqana óltirý faktleri boıynsha 20 jylǵa bas bostandyǵynan aıyryldy.

Sottalýshy ekeýi de oblystyq sotqa apelásıalyq shaǵym qaldyrdy. Aıtýlarynsha, qasaqana óltirýge eshqandaı qaskóılik nıetteri bolmaǵan. Osy negizde jazany jeńildetýdi suraǵan.

–Qala ishinde bolǵanda biz birneshe jerge bardyq. Aqshamyz az bolǵandyqtan, taksıstpen kelispekshi bolǵanbyz. Alaıda ol biz qalaǵan sommaǵa bizdi jetkizbeıtinin aıtqanda, onyń kóligin urlamaqshy boldyq. Ol bolsa bizge qasarysyp, qarsy áreket jasap, tóbeleske túskende qanymyz basymyzǵa shaýyp ne isterimzidi belmedik- dep aqtaldy aıyptalýshylar.

Alaıda apelásıalyq sot olardyń shaǵymdaryn qabyldaýdy negizsiz dep eseptedi, úkim zańdy negizde júzege asty.

Aýdarǵan: Nazerke Musa