Sara men Den Maýn balalaryn ekrannan kórgende qýanyshtarynda shek bolmady. Bolashaq ana júktiliktiń 22 aptasynda edi. Ol ýaqytta erli-zaıyptylar egizder bolatynyn bildi.

Ata-anasy eki egiz balalaryna esim de tańdap qoıdy. Sebastán men Garrı ana qursaǵynda jatqanda óte belsendi boldy. Sara men Den muny jaqsylyqqa balady. Alaıda dárigerler nátıjesin kórgende túnerip ketti.

Kameradan balalar qoldaryn bulǵap turǵandaı kórindi. Endi birinde balalardyń biri kamerany ary ıterip jibergendeı boldy. Olardyń shıraq qımyldaryna qarap, egizderdiń aýyr dertke shaldyqty dep eshkim oılamady.

Dárigerler sábılerdiń feto-fetalnyı transfýzıonnyı sındrom aýrýyna shaldyqqanyn aıtqan. Ol bir jumyrtqaly egizderdiń 15% jaılaıdy. Balalar arasyndaǵy qan aınalymy buzylady. Egizderdiń biri óte kóp mólsherde suıyqtyq alsa, ekinshisi kerisinshe onyń jetispeýshiliginen qınalady. Asa aýyr jaǵdaıda eki balada kóz jumýy múmkin.

Balalar ananyń qursaǵynda jatqanda lazermen operasıa jasaldy. Ota 6 saǵatqa sozyldy. Nátıjesi óte jaqsy boldy. Dúnıege deni saý balalar keldi. Qazir egiz jigitter ata-analaryn qýantyp, kún sanap er jetip keledi.