Ál-Farabı atyndaǵy QazUÝ – qazirgi tańda kóptegen ınovasıalyq  jobalardyń uıymdastyrýshysy. Bul  bilim ordasy sapaly bilim berýmen qatar stýdentterdi qazirgi zamanǵa saı básekege qabiletti maman, bilimdi, sezimtal, ultjandy tulǵa retinde qalyptastyrý jolynda jańa jobalar júzege asyrýda. Sonyń biri – ál-Farabı atyndaǵy QazUÝ rektory, akademık Ǵ.M. Mutanovtyń bastamasymen júzege asyp jatqan «Aınalańdy nurlandyr!» jobasy.

QazUÝ rektory Ǵ.M. Mutanov jobasyndaǵy  «Nurlandyrý» bizdiń kúndelikti ómirdegi minez-qulqymyzdyń keńpeıildiligin, izetshildigin bildiredi. Bul jobanyń basty maqsaty – árbir jan óziniń is-áreketi arqyly meıirimdiligin, týrashyldyǵyn jáne ádildigin kórsetý.  Kez kelgen jan osy ómirge artymnan qandaı iz qaldyramyn degen oıdy este berik ustaýy kerek. Adam kóre almaýshylyq, qyzǵanysh  degen jaman qasıetterden aýlaq bolýy kerek. Sondyqtaı osyndaı jobalar arqyly ósip kele jatqan jas urpaqqa  izgi nıetterdi qalyptastyrý arqyly órkenıetke qol jetkizemiz. Jastar alǵan bilimderimen qosa jaqsy tárbıe sińirse, ol degenimiz sanaly tárbıeli urpaqty ósirdik degen sóz.

«Aınalańdy nurlandyr» – ilgeri basyp, úılesimdi ómirge umtylý. Kez kelgen adam ózine júktelgen mindetterin jaýapkershilikpen tıanaqty atqarýy tıis. Elin, jerin, ortasyn teris áreketterden aryltyp, aınalasyn nurǵa bólep, adamdarmen jaqsy qarym-qatynas ornatyp, olardyń da osy baǵytta júrýin nasıhattaýy tıis.

Shyǵystaný fakúlteti qytaıtaný kafedrasynyń oqytýshylary men stýdentteri de osy «Aınalańdy nurlandyr» jobasy aıasynda Almaty qalasyndaǵy «Januıa» jetim balalar úıinde 15-shi sáýirde tazalyq is-sharasyn  ótkizdi.   Árıne, bul jetimder úıine jasaǵan kishkentaı kómegimiz. Kafedra oqytýshylary men stýdentteri buǵan deıin de birneshe ret  jetimder úıindegi balalarǵa syılyqtar taratqan, stýdentter ózderi daıyndaǵan konserttik baǵdarlamalaryn kórsetken. Osy joly tazalyq jumysyn atqarýdy jón sanadyq.

Tazalyq is-sharasy Almaty qalasy boıynsha tazalyq jumysyn jasaý kúnimen sáıkes keldi. Tazalyq is-sharasy  aıaqtalǵan soń stýdentter balalarmen kezdesip, ózderi daıyndaǵan ártúrli oıyndaryn kórsetti. Qyzyqqan balalar stýdenttermen birge oıyndar oınap, qýanyshqa bólendi.

 İsimizben biz ár balaǵa jylý bergimiz keldi, júrekterine kishkene bolsyn qýanysh uıalatqymyz keldi. Al stýdentterdi tazalyq saqtaýǵa, kishige kamqor bolýǵa shaqyrdyq.  

Anıpına A.K.

Ál-Farabı atyndaǵy QazUÝ Shyǵystaný fakúlteti Qytaıtaný kafedrasynyń edvaızeri