Kolýmbıanyń soltústik-batysynda ornalasqan Penol sý qoımasynda 150 týrıs mingen keme sýǵa batyp ketti. Bul týraly Qamshy aqparattyq agenttigi RBK málimetine súıenip habarlaıdy.

 Keleńsiz jaǵdaı 25 maýsym, jeksenbi kúni boldy. Oqıǵa ornynda qutqarý sharalary júrip jatyr. Buǵan eldiń áskerı-áýe qúshteriniń tiqushaqtary tartyldy. Apat saldarynan toǵyz adamnyń qaza tapqany habarlandy.

Jedel idestirý qyzmetiniń bastyǵy Lýıs Bernardo Moralestyń aıtýy boıynsha sýǵa batqan adamdardyń arasynda jedel kómek kelgenshe shydys bere almaı, sýǵa aǵyp ketken kórinedi. «Keme apatynyń saldary tehnıkalyq aqaýlyqtan bolýy múmkin», - dep málimdedi baspasóz qyzmeti. Alaıda, tolyq tekseristen ótpeıinshe naqty eshteńe aıta almaıtyndyǵyn atap ótti. Qazirgi tańda, jedel izdestirý sharalary ótkizilip, týrısterdi qaýipsiz jerge ornalastyrý jumystary júrgizilýde.
 

Sholýshy: Aıgerim Taýbaı