Ońtústik Koreıa KHDR-ǵa beıbit kelisimderdi jalǵastyrý jóninde usynys tastady, dep jazady Qamshy.kz aqparat agenttigi. Kelissózder osy aptada bastalýy múmkin.
«Biz 21 shilde kúni Thonılgak ǵımaratynda Soltústik Koreıamen kelissózder júrgizýdi usynamyz. Maqsatymyz – áskerı shıelenisti arttyratyn dushpandyq áreketterdi toqtatý», - dedi Ońtústik Koreıa qorǵanys mınıstriniń orynbasary Sý Cho Sýk brıfıń barysynda.
Aıta keteıik, atalmysh kelisim memleket basshysy Mýn Chje Inanyń Germanıada ótken Úlken jıyrmalyq samıtinen keıin aıtqan usynysynan keıin málimdeldi.Ońtústik Koreıa BAQ-taryna sáıkes, Ońtústik jáne Soltústik Koreıadaǵy Qyzyl kres uıymdarynyń arasyndaǵy baılanysty jalǵastyrý usynyldy.
Budan buryn taralǵan aqparattarǵa kóz júgirtsek, Soltústik Koreıanyń ıadrolyq qarýǵa arnalǵan plýtonııi burynǵyǵa qaraǵanda kóbirek. DW portalynyń málimetinshe, 2016 jyldyń qyrkúıegi men 2017 jyldyń maýsymy arasynda KHDR ıadrolyq otyndy regenerasıalaýdy keminde eki ret júzege asyrǵan.
