Búkil álemdi jaılaǵan daǵdarystyń saldarynan kóptegen adamdar ózderiniń úılerin tastap, qaýipsiz meken izdeýge májbúr. Olar óz elderinde nemese ózge elderge bas saýǵalap, kún keshýde. Álem boıynsha 65,3 mıllıon halyq óz qonystaryn aýystyrǵan, olardyń 21,3 mıllıony bosqyndar bolyp tabylady, dep habarlaıdy Qamshy.kz saıty Moıa planeta saıtyna silteme jasap.
Bosqyndardyń álemde kúnnen-kúnge kóbeıýine eń aldymen soǵys sebepker boldy. Sonymen qatar, klımattyń ózgerýi, ekonomıkalyq turaqsyzdyqtyń saldarynan da adamdar óz mekenderin tastap ketip jatyr. Bas saýǵalap ketken bosqyndar jańa úılerin kez kelgen zattardan jasap alady. Múldem jaǵdaı bolmaǵannyń ózinde olar turǵan jerlerin yńǵaıly orynǵa aınaldyrýǵa tyrysýda.
Bul úı qapshyqtardan salynǵan. Bam Ataı esimdi bosqyn óziniń aýylynda tiginshi bolyp jumys istegen. «Boko Haram» sodyrlary olardyń aýyldaryn basyp alǵannan keıin ol balalarymen birge bas saýǵalap ketýge týra keldi. Terrorıster Ataıdyń bir qyzyn urlap áketip, kúıeýin óltirip tastaǵan.
Maık pen Elıs Jańa Gvıneıanyń Papýa aralynda turady. Birneshe jyl buryn olardyń aýyldaryn sý basyp, olar bóget jasap alýy úshin úılerin bólshektep tastaýlaryna týra keldi. Qazirgi tańda olar ózderiniń aýyldastarymen birge bir úıdi panalap, ómir súrýde.
Saz balshyqtan jasalǵan kúrkede turyp jatqan sırıalyqtar Ahmet pen onyń áıeli Ismah. Olar qazir Túrkıa elinde turyp jatyr.
Djokı men Bevelın ózderiniń ata-analary jáne múgedek baýyrlarymen birge Papýanyń kishkentaı araly Gúneıde ómir súrip jatqan jalǵyz ǵana otbasy bolyp tabylady.
Jalǵyz basty ana óz balasymen birge Nıgerıada ár túrli matanyń qıyndylarynan jasalǵan lashyqty kúneltýde.
2013 jyly Andjelo esimdi bosqyn olardyń qalasynda túrli etnıkalyq toptardyń arasynda qıan-keski urys bastalǵan kezinde Ońtústik Sýdan Malakaldaǵy BUU-nyń bazasyna qashyp baryp, bas saýǵalaýyna týra keldi. Olar kishigirim shatyrda turyp júrgen. Alaıda 2016 jyldyń aqpan aıynda bazanyń biraz bóligi órtenip, qazirgi tańda olar garajdaǵy júk kóliginiń astynda uıyqtap júr.
Pıter Loll Ońtústik pen Soltústik Sýdannyń shekarasy bolyp tabylatyn Abeı aýdanyndaǵy qıraǵan úılerdiń birinde turady. 2011 jyly áskerı qaqtyǵystar bastalǵan kezde ol bul mekendi tastap ketken, alaıda 2013 jyly qaıtyp kelgen. Osy jerde Pıterdiń ákesi kóz jumǵan eken.
Bul úı qatty kartonnan jasalǵan. Jańbyr jaýǵan kezde bul lashyqtyń túgi de qalmasy anyq. Alaıda sýrettegi anasy men balasy ázirge osy úıdi panalap otyr. Bul otbasy ózderiniń Nıgerıadaǵy úılerin «Boko Haram» terrorısteriniń shabýylynan soń tastap ketýge májbúr bolǵan.
Sara esimdi áıel 1995 jyly avtokólik apatynyń kesirinen aıaǵynan aıyrylyp qalǵan, sol sebepti de ol óziniń januıasymen birge Djýbýǵa kóship kete almady. Onyń kúıeýi jáne alty balasy ózderi turǵan qalany tastap, kóship ketken. Al Sara shirkeýdi panalap júr.
Bul otbasy áli salynyp bitpegen temir jol arqyly Kambodjadan Taılandqa kelmek bolǵan, alaıda olar shekaradan óte almaı qalǵan. Qazirgi tańda bul otbasy Kambodjadaǵy týystary berip turatyn aqshaǵa ómir súrip keledi. Temir jol qurylysy salynyp bitkennen soń, bıliktiń sheshimimen bul jerdegi zańsyz salynǵan úılerdiń barlyǵyn alyp tastaıdy eken.
Bul áıel balalarymen birge aıadaı ǵana bólmeni panalaýda, Ońtústik Sýdan.
Tına esimdi fermerdiń otbasy 2008 jyly sıklon kezinde baspanalarynan aıyrylyp qalǵan. Qazirgi tańda olar Mánmada kemeni panalap júr. Sonymen qatar, olar ózderi aýlaǵan balyqtaryn satyp, sodan túsken qarjyǵa kún kórýde.
Bul áıel óziniń nemerelerimen birge sabannan jasalǵan úıdi panalaýda. Nıgerıadaǵy bosqyndar lageri.
Mustafanyń otbasy ózge bosqyndarmen birge sýy, jylýy jáne jaryǵy joq eski atqorada turyp jatyr. Bul otbasy Sırıanyń Kobanı qalasynan qashyp kelgen. Túrkıa, Salınýfra.
Kobanıden qashyp kelgen taǵy bir otbasy qurylysy bitpegen úıdi panalap júr. Olar bul turaqty jaldap, aı saıyn $200 olar tólep turady eken.
Aleppodan qashyp kelgen qarıa bosqyndar raketalyq shabýyl kezinde týystarynan kóz jazyp qalǵan, keıinnen Túrkıaǵa qashyp kelýge bekingen olar qalǵan balalarymen birge úsh jyldan beri osy mekende turyp jatyr.
Daıyndaǵan: Nazerke Labıhan
