Jeńil salmaqta UFC chempıony ırlandıalyq Konor MakGregor bes salmaq boıynsha álemniń burynǵy chempıony amerıkalyq kishi Floıd Meıvezerge qarsy ótetin kezdesýde daıyndyq kezinde nokaýtqa túsip qaldy.

Bul týraly eki salmaq boıynsha álemniń burynǵy chempıony amerıkalyq boksshy Djessı Vargas ırlandıalyq sportshynyń komandasyna jaqyn derekkózge silteme jasap aıtty, dep habarlaıdy qamshy.kz aqparattyq agenttigi vesti.kz saıtyna silteme jasap.

«Ol sparrıng kezinde nokaýtqa túsip qaldy. Boks álemi úlken emes. Bizdiń ortaq tanystarymyz kóp», – dep keltiredi Vargastyń sózin Bloody Elbow.

Buǵan deıin MakGregor baspasóz jıyndarynyń birinde «Meıvezerdi tórtinshi raýdta nokaýqta túsiremin», dep jarıalaǵan edi. Biraq bul máselege qatysty birinshi jeńil salmaqtaǵy WBO tujyrymy boıynsha álem chempıony 29 jastaǵy ýkraınalyq boksshy Vasılıı Lomachenko úlken kúmánmen qaraıtynyn aıtty.

Aıta keteıik, MakGregor men Meıvezer arasyndaǵy kezdesý 26 tamyz kúni Las-Vegastaǵy T-Mobile Arena sport kesheninde boks erejesi boıynsha ótedi. Bul jekpe-jektiń uıymdastyrýshylary kezdesýden 100 mıllıon dollar tabamyz dep josparlap otyr. AQSH jerinde kezdesýdi Showtime arnasy aqyly júıe (PPV) boıynsha kórsetedi.