Tanymal HBO telearnasynyń sarapshysy ári mamany Harold Lederman orta salmaqta WBA,WBC jáne IBF tujyrymdary boıynsha álem chempıony qazaqstandyq boksshy Gennadıı Golovkın men meksıkalyq Saýl Alvares arasyndaǵy jekpe-jek týraly óz oıyn bólisti dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.
«Bul erekshe jekpe-jek bolady. Men kimniń jeńetinin bilmeımin, biraq osy jekpe-jek sózsiz tamasha bolatyny anyq. Meniń favorıtim - Golovkın, sebebi ol iri ári tájirıbeli boksshy.Golovkınniń kúshi kóp. Biraq ol Dennı Djeıkobspen shyqqan kezde sál álsizdeý jáne qartaıǵan bolyp kórindi. Ýaqyt óz degenin jasaıdy. Sizder ózderińiz bilesizder. Golovkın birinshi ret qıyndyqtarǵa tap bolǵan sekildi. Golovkın árdaıym qorqynysh uıalatyp, úreı týdyratyn. Davıd Lemeni, Gabrıel Rosadony qalaı sulatqany esterińiz me? Biraq Djeıkobspen kezdesýinde qıyndyqtar boldy. Menińshe, bul jas mólsheri. Bir jaǵynan "Kanelo" Chavespen shyqqan jekpe-jekte ózin jaqsy kórsete almady. Biz bárimiz Golovkındi jaqsy kóremiz, biraq onyń jeńetinine burynǵydaǵydaı senimdi emespiz. Golovkın bizge jaqyn bolyp ketti. Eger kezdesý 12 raýndqa sozylsa, barlyǵy revansh suraıtyn bolady. Múmkin bul trılogıa bolýy da múmkin», - dedi Harold Lederman
