Tájikstan Syrtqy ister mınıstrligi azamattyq soǵys jyldary Tegeranǵa teraktini qarjylandyrdy degen aıyp taǵylǵany týrasynda túsirilgen «Iran: Azamattyq soǵys qoldaýy 91-97» derekti fılmi birneshe tilge aýdarylyp, áleýmettik jelide tarady dep jazady Qamshy.kz aqparat agenttigi.
45 mınýtqa sozylatyn fılm 8 tamyzda keshki ýaqytta «Tochıkıston» arnasynda kórsetilgen.
17 tamyzdan bastap áleýmettik jeli qoldanýshylary fılmdi tájik, orys, aǵylshyn, arab jáne ózbek tilderinde kóre alady. «Iran: Azamattyq soǵys qoldaýy 91-97» fılmi sársenbi kúni Feısbýk, Youtube, Odnoklassnıkı jáne ózge de saıttardyń betinen kórinis taba bastady.
Tájikstan İİM basapasóz hatshysy Ýmardjonı Emomalıdiń aıtýynsha, olar fılmdi aýdarmaǵan jáne kimniń aýdarǵany belgisiz. Al budan buryn fılmdi Tájikstan İİM qyzmetkerleri daıyndaǵany habarlanǵan.
Fılm kóterilis barysynda qaıtys bolǵan Tájikstan Qorǵanys mınıstriniń burynǵy orynbasary general Abdýhalım Nazarzodtyń úsh jaqtasynyń sottalǵany jaıynda túsirilgen. Fılmde kórsetilgendeı, búlikshil general men Tegerannyń qarjylyq kómeginiń arqasynda birneshe tájik saıasatkerleri, ǵalymdary, sondaı-aq jýrnalıseri 2001 jylǵa deıin jalǵasqan azamattyq soǵysta qaıtys bolǵan.
Tájikstan jıyrma jyl burynǵy azamattyq soǵys kezinde qaza tapqan birqatar tanymal adamdardyń ólimine Irandy aıyptady. Tájik memlekettik telearnasy kórsetken derekti fılmde 1990 jyldardaǵy resmı tulǵalardyń ólimine "Iran tapsyrys bergen" degen pikir aıtylýyna Tegeran narazylyǵyn bildirgen.
