Úndistan Joǵarǵy soty musylmandardyń «shuǵyl ajyrasý» tájirıbesin Konstıtýsıaǵa qaıshy dep sanap, atalmysh tájirıbeden bas tartty, dep jazady Qamshy.kz aqparat agenttigi.

Jergilikti basylymnyń málimetine súıensek, Úndistan Joǵarǵy soty seısenbi kúni ıslamnyń «úshtik talaq» tájirıbesin synady. Arab tilinen aýdarǵanda «ajyrasý» degen maǵynany beretin bul sóz eldegi erli-zaıyptylardyń jıi aıyrylysýyna ákelip soqty. Sot úkimine sáıkes, «shuǵyl ajyrasý» tájirıbesi ıslam dininiń prınsıpterine, sondaı-aq, teńdikti aıqyndaıtyn el Konstıtýsıasynyń 14-babyna qaıshy keledi.

«Shuǵyl ajyrasý» – musylmandarǵa jarlarymen «talaq» sózi arqyly ózindik nazyna baılanysty aıyrylysýǵa múmkindik beretin ozbyr áreket», – dep keltirdi basylym sýdıanyń sózin. Daýly tájirıbeden bas tartýǵa bes sýdıanyń úsheýi daýys bergen.

«Úshtik talaq» tájirıbesi Saýd Arabıasynda da keńinen taralǵan. Musylman elderiniń kóbi atalmysh tájirıbeden bas tartqan. Al Úndistan musylmandary «úshtik talaqty» osy ýaqytqa deıin belsendi paıdalanyp kelgen. Onyń ústine, zaman talabyna sáıkes er adamdar áıelderine «talaq» sózin habarlama arqyly jazyp jiberip otyrǵan.