Jańa agrarlyq saıasat: tyń serpin, mol múmkindik

/uploads/thumbnail/20170825105712278_small.jpg

Búgin QR Aýyl sharýashylyǵy mınıstrligi «QazAgro» Ulttyq Holdıńimen birlesip, Astanada «AgroInvest Forum 2017» agroónerkásiptik ınvestısıalyq forýmyn ótkizdi dep habarlaıdy Qamshy.kz aqparat agenttigi QR ASHM baspasóz qyzmetine silteme jasap.

Bul sharaǵa álemniń 18 elinen shamamen 200-den astam qatysýshy keldi. Onyń ishinde iri sheteldik ınvestısıalyq qorlar men qarjy uıymdarynyń shamamen 40 ókili, sondaı-aq qazaqstandyq jáne sheteldik agrobıznestiń múddeli ókilderiniń keńeıtilgen toby qatysty.

Forýmnyń negizgi mindeti – qazaqstandyq bızneske aýyl sharýashylyǵyndaǵy jáne azyq-túlik taýarlarynyń óndirisindegi jobalardy birlesip iske asyrý úshin áriptester izdestirýge kómektesý, salaǵa ınvestısıalyq kapıtal tartý, AÓK bıznes júrgizý úshin jańa trendter men perspektıvalardy talqylaý. Investısıalyq forýmda iskerlik qatynastardy qalyptastyrýdan basqa, otandyq bıznestiń sheteldik seriktestermen jáne ınvestorlarmen tıimdi yntymaqtastyǵyna kedergi keltirýi múmkin birqatar problemalyq máseleler de talqylandy.

QR Premer-mınıstriniń orynbasary – Aýyl sharýashylyǵy mınıstri Asqar Myrzahmetov: «Memleket basshysy: «Agrarlyq sektor ekonomıkanyń jańa draıveri bolýy tıis», – degen bolatyn. Bul úshin naryqtarda qajet etiletin AÓK básekege qabiletti ónimderiniń óndirisin ártaraptandyrý qajet», – dedi óziniń quttyqtaý sózinde. Mınıstrdiń aıtýynsha, ıntegrasıalyq prosester jaǵdaıynda Qazaqstanǵa básekelestik basymdyqtarǵa qol jetkizý úshin halyqaralyq ozyq tájirıbeniń transferti qajet. Tikeleı sheteldik ınvestısıalar tartý jáne aýyl sharýashylyǵy salasynda ózara tıimdi negizde birlesken óndiris qurý – bul qazirgi tańdaǵy bizdiń bet alysymyz.

Ózderińizge málim, Qazaqstan memlekettik retteý men ınvestorlardy qoldaý baǵytynda kóptegen jetistikterge qol jetkizdi. Elimiz tartylǵan ınvestısıalarǵa qolaıly jaǵdaı jasaý boıynsha TMD elderi arasynda kóshbasshylardyń biri bolyp sanalady.

A.I.Myrzahmetov Qazaqstanǵa ınvestısıa quıa otyryp Qytaı, Reseı jáne EYEU elderi naryǵyna shyǵýǵa múmkindik týatyn tilge tıek etti.

«QazAgro» ulttyq basqarýshy holdıńiniń Basqarma tóraǵasy Nurlybek Malelov Agroónerkásiptik keshenine sońǵy jyldary holdıńpen 375 mlrd. teńgeden astam sheteldik ınvestısıa tartylǵanyn atap ótti.

Alaıda sút, et, mal, maıly jáne basqa da suranysqa ıe daqyldardy qaıta óńdeý ónimniń kólemin odan ary arttyra túsedi.

Sonymen qatar, búgingi tańda mınıstrlik eksport saıasatyn maqsatty túrde júzege asyrý jumystaryn júrgizýde. Osyǵan oraı, jańa eksporttyq arnalardy quratyn, al jumys istep turǵandardy keńeıtetin, iri eksporttyq partıalardy AÓK eksport ortalyǵy quryldy.

Qazirgi tańda QHR kompanıalarymen astyqty, maıly daqyldardy, ósimdik maıyn eksporttaý úshin kelisim shartqa qol qoıylsa, Arab Ámirligi men Iranǵa jasymyq tasý úshin kompanıalarmen kelisimge qol qoıý qaıta óńdelýde, al Reseı, Izraıl, Gonkong elderiniń kompanıalarymen kúnbaǵys tuqymyn, qatty bıdaı, un, noqat, burshaq, qoı etin tasymaldaý úshin kelissózder júrgizilýde. Qytaı naryǵyna sıyr, shoshqa etterin, sút, qus ónimderin, tiri janýarlar, sonyń ishinde jylqylardy shyǵarý josparlanýda.

QR aýyl sharýashylyǵy mınıstrligi Syrtqy ister mınıstrligimen birlese otyryp, Izraıl, Kýveıt memleketteriniń veterınarlyq qyzmetimen qoı etin jetkizý joldaryn jáne de Malaızıa, Japonıa, Ońtústik Koreıa, Evro Odaq memleketterine qurǵaq bıe sútin eksporttaý máselesi boıynsha kelissózder júrgizilýde.
Al parsy shyǵanaǵy elderi boıynsha kelissózder aıaqtalýǵa jaqyn.

Osy agroónerkásiptik ınvestısıalyq forýmy aıasynda Qazaqstannyń aýyl sharýashylyǵy salasyn ekonomıkalyq ártaraptandyrý turǵysynda birqatar mańyzdy kelisimder men memorandýmdarǵa qol qoıyldy.

Pikir qaldyrý

Qatysty Maqalalar