Reseıdiń Sýrgýt qalasynyń Krıstına Maksımúk esimdi turǵyny Túrkıadaǵy demalystan keıin Máskeýdegi aýrýhanalardyń birinde kóz jumdy. Bul týraly Qamshy.kz aqparat agenttigi Interfaks málimetine súıenip habarlaıdy.
Krıstına Maksımúktiń ólimi jaıly onyń ápkesi Nadejda Gýmenúk habarlaǵan.
Alanádaǵy demalys kezinde 34 jastaǵy Maksımúk komaǵa túsken. Ony dereý Reseıge jetkizý kerek bolǵan. Jaqyndarynyń aıtýy boıynsha, onyń júrek talmasy ustaǵan. Jaǵdaıynyń nashar ekeni habarlanǵan.
17 tamyz kúni Krıstına Maksımúk Máskeýge jetkizilgen. Reseıge jetkizýdegi shyǵyndy saqtandyrý kompanıasy óz moıyndaryna alǵan. Al Máskeýdegi shyǵyndy Iýgranyń bıligi tóleýdi josparlaǵan.
Nadejda Gýmenúktiń aıtýy boıynsha, Túrkıadaǵy aýrýhanada naýqasqa esh jaǵdaı jasamaǵan.
Marqumnyń týystarynyń aıtýy boıynsha, reseılik dárigerler eshteńe isteı almaǵan. Sebebi Túrkıalyq dárigerler emdeý ýaqytyn bos jiberip alǵan.
