Reseıdegi keıbir joǵary laýazymdy memlekettik qyzmetkerlerdiń áıelderiniń aılyǵy kúıeýlerinen birneshe esege artyq. Bul týraly reseılik "Forbes Woman" basylymy málimdedi dep habarlaıdy Qamshy.kz aqparat agenttigi.

2016 jylǵy kórsetkish boıynsha reseılik sheneýnikterdiń eń baı áıelderiniń alǵashqy bestigine Tatarstan prezıdentiniń jary Gúlsına Mınnıhanova, Bránsk oblysy gýbernatorynyń áıeli Olga Bogomaz, «Rosteh» basshysy Sergeı Chemezovtyń áıeli Ekaterına Ignatova kirgen.

Tatarstan prezıdenti jarynyń tabysy 2 mıllıard rúbldi ($33 mln.) qurady. Forbes málimetinshe, Mınnıhanova –  Qazan kremliniń mańaıynda ornalasqan spa-keshen, qonaq úı, meıramhana, fıtnes-klýb syndy demalatyn oryndar kiretin kompanıa ıeleriniń biri. Al kúıeýiniń, ıaǵnı Tatarstan prezıdentiniń tabysy 7,5 mln. rúbl ($126 myń)  ǵana.

Eń joǵarǵy kórsetkishte ekinshi bolyp turǵan Ýlan-Ýde qalasynyń depýtaty Vadım Brednındiń jary – Raısa. Ol – kúıeýi basshylyq etip otyrǵan «Tıtan» kompanıasynyń basqarýshy dırektory. «Tıtan» kompanıasynyń quramyna 40-qa jýyq azyq-túlik dúkeni, et óńdeý zaýyty, balyq zaýyty, kondıterlik sehy, meıramhana jáne fıtnes-ortalyq kiredi. Raısa Brednıdiń tabysy jylyna $2 mıllıardty quraǵan. Kúıeýinen eki ese joǵary tabys tabady.

Bránsk oblysy gýbernatorynyń áıeli Olga Bogomaz sharýa qojalyǵyn basqarady. Onyń tabysy kúıeýinen 240 esege asyp tústi.