Sheshenstannyń basshysy Ramzan Qadyrov Pýtınge Mánmadaǵy musylmandar týraly pikir bildirgeni úshin alǵys aıtty, - dep jazady Qamshy.kz aqparat agenttigi sheteldik BAQ-qa silteme jasaı otyryp.
«Men Reseı eliniń prezıdenti Vladımır Pýtınge Mánma úkimetiniń musylmandarǵa zorlyq-zombylyq kórsetkenin aıyptaǵany úshin óz rızashylyǵymdy bildiremin. Men osy kezge deıin birneshe ret aıtqan bolatynmyn, men bizdiń prezıdenttiń adal jaýyngerimin, kez-kelgen buıryǵyn da oryndaımyn, tipti óz janymdy qurban etýge barmyn. Al kimde-kim meniń sózimdi burmalap, beıkúná adamdardyń ólgenine beıjaı qaraıtyn bolsa olar rýhanı turǵydan quldyrap bara jatyr.Taǵy da aıta keteıin, men úshin din únemi birinshi orynda turady jáne solaı bolyp qala beredi. Men bul ómirde Alladan ǵana qorqamyn. Meniń barlyq is-áreketim dinmen tikeleı baılanysty jáne barlyq dinı talaptardy oryndaıtyn musylmannyń isi bolyp tabylady.
Kómekke muqtaj adamdarǵa qol ushyn sozý meniń musylmandyq paryzym. Sonymen birge ádiletsizdikpen kúresýge de mindettimin», - deıdi Ramzan Qadyrov.
Ramzan Qadyrov qarapaıym adamdar únemi saıası oıynnyń qurbany bolatynyn, al oıyndy júrgizetin saıası qaıratkerler ekenin de eskertti.
Aıta ketetin bolsaq, Reseı prezıdenti Mánmada bolǵan genosıdke qatysty qarsy pikir bildirgen bolatyn. Pýtın Mysyr eliniń prezıdenti Abdelem Fattahom as-Sısımen kezdesý kezinde Mnmadaǵy musylmandarǵa qarsy zorlyq-zombylyqty aıyptady. Pýtınniń bul kózqarasyn Mysyr prezıdenti de qoldaǵan edi.
