Búgin Gennadıı Golovkın men Saýl Alvarestiń komandalary revanshty ótkizý boıynsha kelissózderdi bastaýdy josparlap otyr, - dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.  AQSH-tyń 13 saǵattyq ýaqyt aıyrmashylyǵyna baılanysty qazir beısenbi - 21 qyrkúıek ekenin eske salamyz.  

«Golden Boy» promoýterlik kompanıasynyń basshysy Erık Gomestiń aıtýy boıynsha, kelissózderge arnalǵan alǵashqy kezdesý AQSH-tyń Los-Anjeles qalasynda ótetin bolady.

«Eń bastysy, eki boksshy da qarymta jekpe-jekti, revanshty qalap otyr. «Meksıkanyń «Sınko de Maıo» meıramyna arnalǵan demalystar (5 mamyr, senbi) eń yńǵaıly ýaqyt bolatyn sekildi. Bizge atalǵan kún unap tur. Sebebi ol úlken boks keshin uıymdastyrýǵa qolaıly bolady. Sonymen birge basqa sporttyq sharalarǵa da kedergi jasap otyrǵan joq. Sol kezde ádettegideı Kentýkkıdegi at jarysy bolady. Biraq odan basqa ýnıversıetter arasyndaǵy fýtbol, Ulttyq fýtbol lıgasynyń oıyndary da ótpeıdi. Beısbol sáýir aıynda bastalady. Al basketbol pleı-offqa endi jaqyndaı bastaıdy», - dedi Gomes The Ring jýrnalyna bergen suxbatynda.

Aıta ketetin bolsaq, buǵan deıin GGG-diń promoýteri Tom Leffler de aralyq jekpe-jekterge qaraǵanda, Saýl Alvarespen revansh ótkizýge basymdyq berip jatqanyn jetkizgen bolatyn. Buny Genanyń ózi qalap otyr degen. Biraq Alvares mamyr aıynda revansh ótkizýge kelispese, oǵan deıin brıtandyq boksshymen kezdesýi múmkin dep te aıtqan edi.