«Túrkıa arýy – 2017» sulýlyq baıqaýynyń jeńimpazy Ytyr Esen ótken jyldyń shildesinde elde bolǵan tóńkeriske baılanysty Tvıtter paraqshasyna jazba qaldyrǵany úshin birneshe saǵatta tájinen aıyryldy. Bul týraly baıqaý uıymdastyrý komıetiniń basshysy Djan Sandykchıoglý habarlady.

Túrkıa arýy óz jazbasynda tóńkeriske bir jyl tolǵanyn, sondaı-aq óziniń qany tóńkeriste qaza bolǵandardyń qanyna qosylǵanyn jazdy. Óz kezeginde baıqaý uıymdastyrýshylary atalmysh jazbany Túrkıayń atynan shyǵaryp otyrǵan arýǵa múldem jaraspaıtyn ádepsizdik ekenin aıtty.

«Ókinishke oraı jazbany qaldyrǵan Ytyr Esenniń ózi. «Túrkıa arýy» baıqaýynyń uıymdastyrý komıteti Ytyr Esen syndy arýdy Túrkıanyń beınesi retinde kórsete almaıdy», - dedi Sandykchıoglý habarlamasynda.