Iraktyń jartylaı avtonomıalyq kúrdter oblysy búgin Baǵdad tarapynan tóngen qaýipke qaramastan táýelsizdik máselesin daýysqa saldy, dep jazady Qamshy.kz aqparat agenttigi.

Iraktyq Kúrdstan aımaqtyq bıliginiń prezıdenti Masýd Barzanı daýysqa salý arqyly 1991 jyldan beri avtonomıalyq oblys atanyp kelgen, sondaı-aq qarýly ıslamısterge qarsy kúreste mańyzdy ról atqarǵan oblystyń táýelsizdikke baǵyttaǵan alǵashqy qadamy ekenin málimdedi.

12 myńǵa jýyq saılaý ýchaskileri tańǵy saǵat 8-de ashylyp, aımaqta 5,3 mıllıon saılaýshy tirkelgen. Daýys berý kabınalary 12 saǵat boıy ashyq turady.

«Baǵdadpen seriktestik ornatý sátsizdikke ákeldi jáne muny endigi qaıtalamaımyz», - dedi Barzanı 24 qyrkúıek kúni Erbılde ótken pres-konferensıada.

Óz kezeginde BUU, AQSH jáne ózge de Batys elderi atalmysh referendýmǵa qatysty alańdaýshylyq týdyrdy. Mundaı daýly aýdandarda tártipsizdik ornasa, DAISH ekstremıstik tobyna qarsy soǵystyń nazaryn ózine aýdarady.

Sondaı-aq referendýmdy ótkizý ıdeıasyn Baǵdad, Túrkıa jáne Iran syndy memleketter aıyptady.