7 qazanda Reseı prezıdenti Vladımır Pýtın óziniń 65 jasqa tolǵan mereıtoıyn atap ótti. Bárimizge málim, Reseı men Qazaqstan birneshe jyl kóleminde strategıalyq jáne dostyq qarym-qatynasty úzbeı keledi. Soǵan qaramastan Reseı basshysy Qazastanǵa qatysty nebir teris pikirlerin bildirgen sátteri de joq emes. Pýtınniń Qazaqstan jaıynda aıtqan daýly pikirlerin Qamshy.kz aqparat agenttigi oqyrman nazaryna usynady.
«Qazaqtarda memleket bolmaǵan»
2014 jyly «Selıger-2014» jastar forýmynda Pýtın Qazaqstan jaıynda kóp aıtty, ári basshynyń ár aıtqany qazaq qoǵamyna túrpideı tıdi.
«Qazaqtarda memleket bolmaǵan. Ony qurǵan Nursultan Nazarbaev», – degen edi Pýtın.
Sondaı-aq forýmda sóz sóılegen Pýtın Qazaqstannyń Reseımen tyǵyz strategıalyq baılanysta ekenin málim etti. Pýtınniń sózinshe, Nazarbaev buryn-sońdy bolmaǵan memleketten úlken memleket qura bildi.
Pýtın Qazaqstan prezıdentin saýatty basshy dep atady
«Postúkimettik aýqymda ol eń saýatty prezıdent. Ol halqynyń erkinen tys eshqandaı qadamǵa barmaıdy, halqynyń ne qalaıtynyn jaqsy biledi. Qazaqstannyń memleket bolyp qalyptasýy Nazarbaevtyń biliktiligi, uıymdastyrýshylyq talanty, saıası saýatynyń arqasynda júzege asty».
«Qazaqstanǵa ultshyldyqtyń oralýy bizdi alańdatyp otyr»
«Eger Nazarbaev myrza laýazymynan ketse, «ýkraınalyq senarıdi» damtyý múmkin be?», – dep saýal tastady Reseı halyqtar dostyǵy ýnıversıtetiniń ókili jastar forýmynda.
Pýtınniń jaýaby mynadaı boldy:
«Bizdi alańdatyp otyrǵan jaǵdaı – Qazaqstanǵa, ásirese eldiń ońtústik aımaǵyna ultshyldyqtyń oralýy.
Qazaqstan – bizge strategıalyq seriktes, ári odaqtas memleket. Árıne, halqynyń sany jóninen Reseıden 10 esege kem. Qansha halyq? 15 mıllıon aǵan... Sonyń ózinde eýropalyq standart boıynsha iri memleket».
«Bizdiń Ýnıversıada Qazaqstannan da joǵary deńgeıde ótý kerek»
Reseı prezıdenti Vladımır Pýtın Almatyda ótken Ýnıversıadanyń joǵary deńgeıin atap ótip, 2019 jyly Krasnoıarskide ótetin Ýnıversıada odan da keremet ótýi tıis ekenin eskertti.
«Bizdiń Ýnıversıada Qazaqstannan da keremet ótetin bolady. Barynsha tyrysatyn bolamyz. Qazaqstandyq dostarymyzdyń biz úshin alańdaıtyny aıqyn. Sportshylar laıyqty dárejede óner kórsetýi úshin bar jaǵdaıdy jasaý – bizdiń mindetimiz».
Alaıda Pýtınniń atalmysh pikiri áleýmettik jelide qyzý talqyǵa túsken.
Derekkóz: ztb.kz
Aýdarǵan: Gúlim JAQAN
