Soltústik Koreıadan qashyp ketken 2 jigit pen 2 qyz ne úshin elden ketkenin jáne qazir neni saǵynatynyn BBC jýrnalıserine aıtyp berdi. Qaýipsizdik úshin jastardyń esimderi atalmaıdy.   

Soltústik Koreıadan ne úshin qashyp kettińiz?

1-shi jigit: Ár aptanyń sońynda bizde «syn saǵaty» ótetin. Ol ýaqytta bizge óz tártibimiz jóninde oılanyp, ózgelerdiń áreketin baıandaýǵa májbúrleıtin. Qazir aptalyq "syn saǵatyna" barmaıtynyma óte qýanyshtymyn.

1-shi qyz: KHDR-dyń basshylary qaıtys bolsa barlyǵymyz qurdymǵa ketemiz dep oıladym.

Neni saǵynasyz?

1-shi jigit: Soltústik Koreıanyń tamaǵyn. Dostarymdy.

1-shi qyz: Týǵan jerimde daıyndaıtyn taǵamdy, ata-anammen birge oınaǵan kóshelerdi saǵynamyn.

2-shi qyz: Men jaqyn dos tapqym keledi, biraq áli kúnge deıin ondaı jandy kezdestirmedim. Sondyqtan dostarymdy qatty saǵynamyn.

Soltústik Koreıa halqy zańsyz kıno men teledıdar kóretinin bildińiz be?

2-shi qyz: Men Ońtústik Koreıanyń telearnalaryn kórip óstim jáne radıony kóp tyńdadym. Ońtústik koreıalyq ánshilerdi tyńdaı bergim keletin. Biz dostarymyzben jınalyp dál solaı án aıtýǵa tyrysatynbyz. Men Ońtústik Koreıaǵa barýdy armandadym.  

2-shi jigit: Men «Tıtanıkti» kórgen emespin. Dostarym onyń keremet fılm ekenin aıtady. Men kóbine Úndsitan men AQSH-tyń fılmderin kórdim. Úndistan kınolarynda barlyǵy án aıtyp, bı bılep júrgende olarǵa qyzyǵa da qyzǵana qaraıtynmyn.

Adamdarǵa Soltústik Koreıa týraly ne aıtqyńyz keledi?

2-shi qyz: Júrek pen sezim ár adamda bar. Adamdardyń bizdi kemsitpeýin, bizdi teń dárejede qabyldaǵanyn qalaımyn.

1-shi jigit: Denemiz tońsa qalyń kıim kıemiz. Al júregimizge jylý qajet bolsa mahabbatqa muqtajbyz.

2-shi jigit: Erkindik...Soltústik Koreıa halqy erkindikti qalaıdy.