Baqytjan Saǵyntaev ǵımaratty aralaý barysynda tirkeý bóliminiń, koll-ortalyqtyń, jumys kabınetteriniń jáne EKU-zerthanalarynyń jumysymen tanysty. Óz kezeginde ınstıtýt dırektory Tamara Júsibalıeva Premer-mınıstrdi ortalyqtyń qyzmeti, áleýmettik jaýapkershilik aıasynda mindetterdiń oryndalýy, sondaı-aq, reprodýktıvti medısınadaǵy jetistikter men ǵylymı qyzmet týraly aqparattandyrdy.

Aıta ketý kerek, 2017 jyly EKU ortalyǵynda jergilikti ákimdik qarajaty esebinen 300 almatylyq otbasy tıisti medısınalyq kómek aldy jáne taǵy shamamen 700 adam kezekte tur.

Jańa klınıka halyqaralyq talaptardy esepke ala otyryp turǵyzylǵan jáne zamanaýı jabdyqtarmen jaraqtandyrylǵan. Onyń ereksheligi tolyqtaı oqshaýlandyrylǵan operasıalyq blogy men embrıologıalyq zerthanasynyń bolýynda. Bul mıkroklımatty saqtaýǵa jáne turaqty temperatýra men ylǵaldylyqtyń zararsyzdandyrylǵan aýamen qamtamasyz etilýine múmkindik beredi. Osyndaı «taza ǵımarat» júıesi joǵarǵy klınıkalyq nátıjeler berip, emdeý tıimdiligin aıtarlyqtaı arttyrady.

Budan ózge, klınıka Almatyda medısınalyq týrızm damýynyń jarqyn mysaly bolyp tabylady. RMI dırektorynyń aıtýynsha, kórsetiletin medısınalyq qyzmetter baǵasynyń arzan bolýyna qaramastan, sheteldik analogtarynan kem túspeıdi. Dárigerlerdiń joǵary biliktiligi, zamanaýı jabdyqtar men Qazaqstan zańdarynyń beıildiligi sheteldikterdiń kóptep kelýine jol ashýda. Eki jyldyń ishinde Almatyǵa Túrkıadan, QHR-dan, Germanıa, Reseı jáne AQSH-tan kelgen emdelýshilerdiń sany medısınalyq týrızm jelisi boıynsha birneshe esege artty. Jyl saıyn RMI klınıkasy 3 000-ǵa deıin otbasyn qabyldaı alady. 

Sonymen qatar, Almaty qalasyna jumys sapary barysynda QR Premer-Mınıstri Baqytjan Saǵyntaev ınovasıalyq tehnologıalar parkin aralap, qazaqstandyq ǵalymdardyń ǵylymı ázirlemelerimen tanysty.

«ITP» AEA aralaý barysynda Baqytjan Saǵyntaev operatorlardy, munaı ınjenerlerin, burǵylaý merdigerlerin jáne servıstik kompanıalardyń tehnıkalyq kadrlaryn kásiptik daıarlaý boıynsha zamanaýı oqý-jattyǵý ortalyǵyn, sondaı-aq zamanaýı ımportty almastyratyn telekomýnıkasıalyq jabdyqtar óndiretin kompanıany aralady.     

«Inovasıalyq tehnologıalar parki» arnaıy ekonomıkalyq aımaǵy QR Prezıdentiniń Jarlyǵyna sáıkes qurylǵan jáne aqparattyq tehnologıalar, elektronıka jáne qural jasaý, jańǵyrtpaly energıa kózderi, resýrsty únemdeý, tıimdi tabıǵat paıdalaný jáne t.b. salalardy damytýmen aınalysady.

«ITP» AEA 2015 jyly Úkimetpen bekitilgen «Inovasıalyq tehnologıalar parki» derbes klasterlik qorynyń quramyna kiredi. Ol Almaty Tech Garden qolshatyr brendiniń astyna Almaty qalasynyń jetekshi JOO men ǴZI-nyń ǵylymı-tehnıkalyq bazasyn, sonymen qatar «ITP» AEA-ǵa qatysýshy kompanıalardy shoǵyrlandyrady. Qazirgi tańda ınovasıalyq klasterge qatysýshy 221 uıym bar.