Aǵymdaǵy jyldyń qazan aıynda japon bıligi 27 jastaǵy Takahıro Shıraıshı esimdi jigitti qamaýǵa alǵan. Jalǵyzbasty jigit páterinde adam máıitteri tabylǵan. Belgili bolǵandaı, onyń qurbandary áleýmettik jeli arqyly ólgisi keletinin aıtyp aryzdanǵan. Al Shıraıshı bolsa, olarǵa kómekke kelgen.

Jalǵyzbasty momyn jigittiń  qandy qylmysy Japonıany dúr silkindirgeni týraly Lenta.rý jazady.

Japonıa qylmys deńgeıiniń tómendigimen tanymal. Sondyqtan birden segiz qyz ben bir jigittiń joǵalyp ketýi japon halqynyń úreıin týǵyzdy. Bastapqyda jergilikti polısıa birneshe adamnyń joǵalýy bir-birimen baılanysty ekenin bilgen joq. Tokıonyń 23 jastaǵy turǵynynyń Tvıtterdegi jazbasyna kózderi túskende ǵana, polısıa máseleniń aq- qarasyn ajyrata bastady. Marqum qyz joǵalar aldynda Tvıtterde: «birge ólý úshin adam izdeımin» dep jazǵan eken.

Joǵalǵan qyzdyń aǵasy polısıaǵa qyzdyń áleýmettik jelidegi barlyq  qupıasózderin bergen. Tvıtter jelisi arqyly polısıa Shıraıshıdiń izine túsken.  Shıraıshıdiń páterine kelgen polısıa birden máıitterdiń ıisin sezgen.

"Joǵalǵan qyz qaıda" degen polısıanyń suraǵyna Shıraıshı «munda» dep tońazytqyshty nusqaǵan.

Belgili bolǵandaı, japondyqtyń páterinde tek bir qyzdyń emes, taǵy segiz qyz ben bir jigittiń denesi bolǵan. Qylmyskerdiń kórshileri belgisiz sebeptermen birneshe aı boıy  onyń páterinen shyqqan sumdyq ıis týraly polısıaǵa aryzdanbaǵan.

Úıdiń ishinde toǵyz adamnyń bólshektelgen dene bólikteri men ara, arqandar tabylǵan. Dene bólshekteri men adam bastary tońazytqyz ishinde muz salynǵan jáshikterde bolǵan. Páterden barlyǵy 240 adam denesiniń bólshekteri alynǵan.

Shıraıshıdiń aıtýy boıynsha, ol óziniń ákesine ómiriniń mán maǵynasy joq ekenin aıtqan. Alaıda, onyń ákesi ulynyń sózderine qulaq aspaǵan.

Qylmysker jigit orta mektepti bitirip, eki jyl sýpermarkette úzdik saýdager bolyp jumys istegen. Alaıda, arada biraz ýaqyt ótken soń, seks qyzmetterge qyzdar tańdaýmen aınalysyp ketken. Ákesiniń úıinen kóship, ózi jalǵyz páter jaldap turǵan.  Kóp uzamaı ol Tvıtterde óziniń depressıvti emosıanaldyq jaǵdaıyn basqalarmen bólisý maqsatynda akkaýnt ashyp, ózine uqsas jandar izdeı bastaıdy. Jasóspirimderdi sýısıdtik oılarǵa ıtermeleý, óz-ózderine qol jumsamaq nıetti jastarǵa kómek berý maqsatynda, ózin osy máseleniń mamany retinde tanystyryp, adamdardy tartqan.

«Qınalyp júrgen adamdarǵa kómekteskim keledi. Kez kelgen ýaqytta jekege jazyńyzdar» dep óziniń profılinde jazyp qoıǵan eken. Odan bólek oqyrmandaryn «durys arnaǵa» buryp, úıde, syrtta, mektepte qorlanýǵa tap bolatyndyqtaryn aıtyp sýısıdtik posttar jazyp otyrǵan.  

   Ol óz oqyrmandaryn jaqyndarymen baılanystan úzgisi kelgen. Eń alǵashqy qurbany bolǵan jas qyz Shıraıshımen kezdesýge jigitimen kelgen. Olar úsheýi barǵa baryp otyrǵan.  Shıraıshı qınalyp júrgen qyzdy  óz úıine jalǵyz kelýin surap, qonaqqa shaqyrǵan. Qyz úıine kelgende  ony óltirip tastaǵan. Alaıda, onyń joǵalyp ketkenin bilgen marqum qyzdyń jigiti jaqynda tanysqan "birtúrli jigittiń" úıine barady. Shıraıshı jigitti óltirip, denesin bólshektep qyzynyń janyna qoıyp qoıǵan.

Shıraıshıdiń qurbandary 26 jastan aspaǵan jas qyzdar, kópshiligi kámeletke tolmaǵan.

Resmı qaǵazdardaǵy derekterge sáıkes, Shıraıshıdiń  óz qylmystaryn jasyrmaq nıeti bolmaǵan.

Onyń jas qyzdardy tańdaýy beker emes eken: qylmysker keıbirin zorlaǵan. Tipti, keıbir qurbandaryn tonaǵan da  eken. Tergeý kezinde, qylmysker óziniń depressıadan zardap shekkenin aıtqan. Ákesinen qoldaý tappaǵan ol, ınternet arqyly múddeles adamdar izdegen.

Shıraıshıdi bala kezden tanıtyn tanystary ony óte momyn, ashyq adam retinde sıpattaǵan. «Qarapaıym , onsha kózge túspeıtin bolǵandyqtan  ony synyptastary da umytyp ketken shyǵar»- deıdi Shıraıshıdiń jaqyn tanystarynyń biri. Al, onyń buryńǵy súıiktisi Shıraıshıdi «názik jigit» dep ataǵan.

Búgingi kúni Japonıa damyǵan elderdiń arasynda sýısıd kórsetkishi boıynsha Ońtústik Koreıa men Vengrıadan keıingi úshinshi oryndy ıelengen. Jastar arasynda beleń alǵan bul epıdemıa áleýmettik jeli arqyly keń taralǵan. Al japon bıligi tıisinshe sýısıd týraly qandaı da bir maǵlumattary bar resýrstardyń barlyǵyn buǵattaý jumystaryn júrgizýde.