Almaty qalasynyń Óńirlik komýnıkasıalar qyzmeti alańynda «Áleýmettik-ekonomıkalyq damýdyń nátıjeleri. Aýdan ortalyqtarynda «Rýhanı jańǵyrý» baǵdarlamasynyń iske asyrylý barysy týraly» taqyrypta brıfıń ótti. Baspasóz konferensıasyna Almaty qalasy Medeý aýdanyń ákimi Jylqybaev Erjan  Jumatuly qatysyp, belgilengen taqyryp aıasynda oı órbitti dep habarlaıdy Qamshy.kz aqparat agenttigi.

Erjan  Jumatuly aqparatyna súıensek, Medeý aýdany qala kóleminde barlyq salyq túsiminiń 30%, qarjylyq operasıalardyń 70% jáne kóterme saýda aınalymynyń 5 bóligin qamtamasyz etedi. Salyq túsimi 10 aı ishinde ótken jylmen salystyrǵanda 16,7 mlrd. teńge ósti  nemese 360 mlrd. teńgege túsimmen qamtylǵan.

Aýdanda jańa bıznes nysandary turaqty túrde ashylýda. Sharýashylyq sýbektileriniń jyl saıynǵy ósimi 976 birlikti qurady jáne ótken jyldyń kezeńimen salystyrǵanda 5%-ǵa ósti.

Aýdanda 173 ónerkásiptik kásiporyndar jumys isteıdi. Olardyń ishinde 16 iri jáne orta. Bos turǵan kásiporyndar joq.

Ónerkásip óniminiń kólemi 98,3 mlrd. teńgeni qurady. Bul kórsetkish aldyńǵy jylmen salystyrǵanda 29,9 mlrd.teńgege ósti. Jalpy óndiris kóleminde aýdan úlesi 15,1% -dy qurady.

Sonymen qatar, aýdanda jeke ınvestısıalar belsendi túrde tartylýda. Máselen, 2017 jyldyń 10 aıynda negizgi kapıtalǵa salynǵan ınvestısıalardyń kólemi 88,3 mlrd. teńgeni qurady.

Aǵymdaǵy jyly 11 iri nysan ashyldy. Investısıa kólemi 4,5 mlrd. teńge qurady. 270-ten astam jańa jumys orny ashyldy, - dep habarlady aýdan basshysy.

Aýdandyq ekonomıkanyń negizin shaǵyn jáne orta bıznes quraıdy. Olardyń sany 19 myńǵa jetip, 2016 jylmen salystyrǵanda 963 birlikke kóbeıdi. Iaǵnı, jyl saıyn biz SHOB ósimin 5,2% -ǵa qamtamasyz etemiz.

Ony damytý maqsatynda biz kásipkerlikti qoldaý jónindegi memlekettik baǵdarlamalardy belsendi iske asyryp jatyrmyz. «Bıznestiń jol kartasy-2020» baǵdarlamasy boıynsha 14 joba (qyzmet kórsetý salasy, balabaqshalar) júzege asyrylyp, 195 jańa jumys orny quryldy. Onyń joba somasy 8,6 mlrd. teńge qurady. «Jibek Joly» óńirlik baǵdarlamasyna sáıkes 10 joba,  1,1 mlrd.teńge iske asyryldy (tamaq ónimderi men sýsyndar qamtamasyz etý boıynsha qyzmetter, meıramhanalar, medısınalyq ortalyqtar, fıtnes-klýbtar)- dep sózin qorytyndylady E.Jylqybaev.

Aýdan basshysynyń sózine súıensek Jumystyń nátıjesi kishi bıznes sýbektilerine memlekettik granttar  maquldanǵan. Olar «Inventıv» JSHS, robototehnıka mektebiniń jobasy, sondaı-aq «Trıýmf LTD» JSHS-niń jalpy somasy 6 mln. teńge boldy.

Bos turǵan jaılardy tartý boıynsha baǵdarlama sheńberinde «Symbat» Akademıasy men «Batyrbekova Sh.B.» JK arasynda kelisimshart jasaldy.

Resýrstyq emes jáne bilimge negizdelgen ekonomıka – eń 
utymdy baǵyt. Bul baǵytta elimizdiń ınovasıalyq damýynyń jáne ınovasıalyq ázirlemelerdi engizý úshin óńirlik habqa aınalýǵa arnalǵan «Inovasıalyq tehnologıalar parki» arnaıy ekonomıkalyq aımaǵy bar.      2 jyl ishinde «Alataý» AEA aýmaǵynda ornalasqan kompanıalardyń sany tórt ese ósti jáne olardyń sany 134 boldy.

Paıdalaný kezeńinde ınvestısıa kólemi 24 mlrd. teńgeden asty, 132 mlrd. teńgege ónim óndirildi. Jyl basynan beri  AEA qatysýshylarymen 565 jumys orny quryldy. Jumys oryndarynyń jalpy sany 3 851 quraıdy.

«DSMultimedia» JSHS, QBTÝ Burǵylaý Ortalyǵy jáne Qazaqstan teńiz akademıasy paıdalanýǵa berildi.

Óndirilgen ónim - 25,2 mlrd. teńge. Salyqtardyń jáne basqa da mindetti tólemderdiń jalpy somasy 2,13 mlrd. tg. qurady.

Saýda salasynda aıtarlyqtaı kórsetkishter saqtalady. 2017 jylǵy 10 aıda bólshek saýda aınalymy 288,6 mlrd. teńgeni qurady. Qala kóleminde kóterme saýdanyń úlesi 18% nemese 1,4 trln. tg, byltyrǵy jylmen salystyrǵanda úshten bir ósim. Daǵdarysqa qaramastan, aýdanymyzdyń turǵyndary satyp alýdyń sanyn azaıtqan joq. Bul, óz kezeginde, jańa saýda úıleri men sýpermarketterdiń ashylýymen («Toi Mart» sýpermarketi) baılanysty.

2017 jyldyń qyrkúıeginde aýdan deńgeıinde ekinshi ret «Jyljymaıtyn múlikti damytý» ınvestısıalyq forýmy ótkizildi. Forým barysynda damytý jobalary, kepilge salynǵan jer ýchaskeleri túrindegi aktıvter, keńselik keńistikterdiń ınovasıalyq sheshimderi talqylandy – dep habarlady aýdan basshysy brıfıń barysynda.