Qytaı bıligi áıelderdi kúıeýlerine baǵynýdy úıretetin jeke ınstıtýtty japty dep jazady Qamshy.kz aqparat agenttigi BBC-ge silteme jasap.

Jergilikti bilim berý júıesi mekemesiniń málimdemesine sáıkes, dástúrli mádenıetti dáripteıtin Fýshýn mektebi  QHR-dyń bilim berý júıesine negizdelgen sosıalısik prınsıpterge qaıshy keldi.

Mektep saıtynda muǵalimderdiń áıelder men er adamdardyń teńdigine qarsy shyqqan jáne er adam tarapynan kúsh kórsetilse qarsylaspaý kerektigin aıtqan vıdeosy jarıalandy.

Sońǵy ýaqytta Qytaıda ulttyq qundylyqtardy dáripteý degen jeleýmen atalmysh ınstıtýttardyń qatary kóbeıgen.  

Fýshýn mektebi muǵalimderiniń áleýmettik jelide taralǵan vıdeoda stýdentterdi bilim alyp, kásip alýdyń qajeti joq ekenin jáne árqashan tómengi sanatta qalýǵa úgitteıdi.

Ózge mektepterde áıelderge eshqashan ajyraspaý kerektigin jáne kúıeýi, balasy, ákesi men aǵasyna baǵynýdy úıretedi.

«Kúıeýińiz ne surasa da, «ámirińizge quldyq», dep jaýap berý kerek» delingen vıdeoda.

Qytaıdyń Global Times  gazetiniń málimetinshe, 2011 jyly ashylǵan ınstıtýt qyzmetkerleri mekemeniń jabylýyna qarsy narazylyq sherýine shyqty.

Fýshýndaǵy jergilikti bilim berý mekemesiniń saıtynda, ınstıtýttaǵy bilim berý júıesi sosıalısik prınsıpterge kereǵar ekeni jáne jaqyn arada jabylý kerek ekeni jazylǵan.

Bılik ózge de bilim berý mekemelerin tekserýge tapsyrma berdi.

«Biz sosıalısik qundylyqtarǵa qarsy kez kelgen mekemege qarsy turýymyz kerek» delingen bılik málimdemesinde.