Reseıdegi Iaroslav oblysynda Vátskoe aýylynyń mektep ǵımaratyna qazaq halqynyń dańqty qyzy, snaıper Álıa Moldaǵulovaǵa arnap memorıaldyq taqta ilindi, dep habarlaıdy Qamshy.kz aqparat agenttigi Reseıdegi Qazaqstan elshiligine silteme jasap.

Álıa 1942 jyly Lenıngrad qorshaýyndaǵy balalar úıimen Vátskoe kentine kelip, sonda 7 aı turdy, jergilikti mektepten bilim aldy.

Sharaǵa jergilikti memlekettik organdardyń ókilderi qatysty.

Tarıhı-mádenı «Vátskoe» keshenindegi keshter ótetin zalda aýyl oqýshylarynyń oryndaýynda Álıa Moldaǵulovany eske alýǵa arnalǵan ádebı-mýzykalyq án shyrqaldy. Qazaq tilindegi «Álıa» áni de kórermenderdi erekshe áserge bólegen. Ándi F. Volkov atyndaǵy Iaroslav memlekettik akademıalyq teatrdyń ártisi Ánýar Sultanov oryndady.

Eske alý sharasy barysynda máskeýlik tarıhshy Dará Tımoshenkonyń «Álıanyń sońǵy shaıqasy» atty kitaby tanystyryldy.

Álıa Moldaǵulova atyndaǵy aqtóbelik memorıaldyq mýzeıiniń vıdeo habarlamasy kórermender úshin kútpegen tosyn syı boldy.