Uıaly baılanys operatorlarynyń qaısysy tıimdi?

/uploads/thumbnail/20180116182802754_small.jpg

Qazaqstandaǵy baılanys operatorlarynyń tarıfi álemdegi eń arzan tarıfter qataryna kiredi dep jazady Qamshy.kz aqparat agenttigi.

iKS-Consulting taldaý agenttigi TMD elderi ishinde Reseı men Qazaqstanda baılanys operatorlarynyń qyzmeti eń arzan degen qorytyndyǵa kelgen. Qazaqstandyq operatorlar tutynýshylarǵa qyzmeti men baǵasy jaǵynan erekshelenetin ártúrli tarıf paketterin usynady. Osyǵan qaramastan, tutynýshylar tarapynan tarıfterdiń qymbattyǵy týraly kóp shaǵym estımiz. Abonentter arasynda uıaly baılanys qyzmetin qymbatsynatyndar az emes. Tipti, tutynýshylardyń kópshilgi bir ǵana operatormen shektelip qoımaı, birneshe baınalys operatorlaryn qoldanady. Onyń sebebi de joq emes.

Qazaqstanda uıaly baılanys operatorlary tarıfteriniń baǵasy qandaı?

Jaqynda QR Aqparat jáne komýnıkasıalar mınıstri Dáýren Abaev elimizdegi uıaly baılanys operatorlarynyń tarıftik baǵalarynyń tómendeıtinin málimdegen bolatyn.

«Uıaly baılanys operatorlary úshin ınfraqurylymǵa 30 paıyzǵa deıingi shyǵyndy qysqartýdamyz. Bul óz kezeginde aýyldy jerlerde uıaly baılanystyń sapasyn jaqsartýǵa múmkindik beretinine senimdimin. Osy oraıda básekelestik, turǵyndar úshin sapaly baılanys pen arzan tarıfti tańdaýǵa jol ashylady. Biz uıaly baılanys operatorlaryna jeńildik jasap jatyrmyz. Bul rette biz sapany jaqsartý men tarıfterdi tómendetýdi talap ete alamyz», - dep ýáde etken edi mınıstr.

Qazirgi ýaqytta Qazaqstandaǵy uıaly baılanys naryǵynyń 80 paıyzyn Kcell men Beeline operatorlary ıelenip otyr. Uıaly baılanys naryǵynda halyqtyń suranysyn qanaǵattandyryp otyrǵan joǵarydaǵy eki baılanys operatorlarynyń básekelesi — Tele2 men Altel.

Qazaqstandaǵy eń arzan baılanys operatory qandaı?

Qazirgi ýaqytta Qazaqstandaǵy eń arzan baılanys operatory Tele2 bolyp otyr. Ony ComNewsResearch taldaý agenttigi óziniń zertteýlerinde birinshe ret dáleldegen. Tele2-niń birshama artyqshylyqtary men arzan baǵasyna qaramastan, kemshilikteri de jeterlik.

1. Qala ortalyǵynan alys aýyldarda, keıde tipti qalanyń shetinde Tele2-niń áreket etý aımaǵy shekteýli, sol sebepti abonetterin yńǵaısyz jaǵdaıǵa qaldyryp jatady. Baǵasy jaǵynan tarıfteri qoljetimdi bolǵanymen, alys saparǵa shyqanda Tele2 senimdi «serik» bolmaýy múmkin.

2. Internet jıiliginiń sapasyna da min taqpaý qıyn. 4G/3G tehnologıasy qamtylǵan bolsa da, ınternet jyldamdyǵy nasharlaý ekenin moıyndaý kerek. Osyǵan baılanysty tutynýshylar baǵasy jaǵynan qoljetimdi Tele2-men qosa, sapaly ınternet qyzmetin usynatyn basqa da operatorlardy qoldanýǵa májbúr.

2011 jyly Qazaqstan naryǵyna Tele2 uıaly baılanys operatory kelgennen keıin baılanys tarıfteriniń baǵasy áldeqaıda tómendegen.

TELE2

Tele2 operatory qala nómirlerine shyǵys qońyraýlardyń 1 mınýty – 11 teńge

Óz abonenentterine tómendegideı tarıftik josparlar usynady:

Eń arzan tarıftik jospar "Kádimgideı start" – 1190 tg

ALTEL nómirlerine, QR basqa uıaly operatorlarynyń jelilerine shyǵys qońyraýlaryna 80 mınýt tegin jáne 5GB ınternet trafık beriledi.

BEELINE

«KaR-Tel» operatorynyń Beeline brendi óz abonentterine tómendegideı tarıftik josparlar usynady:

Beeline baılanys operatorynyń basty artyqshylyǵy — Qazaqstannyń kóp óńirin qamtyǵan. Tele2, Altel sıaqty keı aımaqtarda nashar jumys isteıtin baılanys operatorlaryna qaraǵanda Beeline jelisi áldeqaıda belsendirek ekenin baıqaýǵa bolady. Sondyqtan dál osy baılanys operatory aımaqtar men oblystarda turatyn tutynýshylarǵa yńǵaıly. Alaıda basqa baılanys operatorlarymen salystyrǵanda, Beeline tutynýshylary az, qoldaný aıasy tar.

KCELL

Kcell uıaly baılanys operatorynda qazirgi ýaqytta "Mobıldi orta" jáne "Prestıj" tarıfteri jumys isteıdi.

Qazaqstandaǵy baılanys quny eń qymbat operatorlar kóshin Kcell bastap kele jatyr. Jeli ishindegi shyǵys baılanys quny barlyq qazaqstandyq operatorlardyń kópshiliginde birdeı 11 teńge. Alaıda, tarıftik josparlar ishinde Kcell operatory edáýir qymbat. Bul — atalǵan baılanys operatorynyń basty kemshiligi. Mundaǵy eń arzan tarıftik jospar 2900 teńge. Sonymen birge, bul kompanıanyń tarıfteri – kóbine naýqandyq tarıfter, ıaǵnı belgili bir merzimge deıin ǵana jaramdy.

ALTEL

Altel baılanys operatory ózge operatorlardy ınternetiniń jyldamdyǵymen basyp ozatynyn aıta ketken jón. Bul baılanys operatory korporatıvtik klıentterge basa nazar aýdarady jáne olarmen uzaq ýaqytqa kelisimshart jasaýǵa tyrysady. Operatordyń basty jáne mańyzdy klıenti – kompanıalar men uıymdar. Baǵasy jaǵynan da Kcell-ge qaraǵanda arzanyraq, tıimdirek. Sonymen birge, basty artyqshylyq Altel óz abonentterine qala nómirlerine belgili bir ýaqyt mólsherinde (kóbinese aıyna 60 mın) tegin qońyraý shalý múmkindigin usynady.

Sonymen, uıaly baılanys operatorlarynyń qaısysy tıimdi? Naqty jaýap berý qıyn. Biri arzan baǵasymen, biri joǵary sapasymen, endi biri senimdiligimen utady. Biz ne desek te, tańdaý – patsha kóńildi oqyrmannyń erkinde.

Al mınıstrliktiń uıaly operatorlardyń baılanys qunyn tómendetý talabyna kompanıalardyń kelisý ne kelispeýi ekitalaı, sebebi baǵaǵa kóptegen faktor áser etedi.

Uıaly baılanys operatorlarynyń qaısysy tıimdi?

Pikir qaldyrý

Qatysty Maqalalar