Qazaqstan Prezıdenti «Sheteldik jeke ınvestısıalar jónindegi Korporasıa» (OPIC) memlekettik agenttiginiń prezıdenti Reı Ýoshbernmen kezdesti, dep habarlaıdy Qamshy.kz aqparat agenttigi.

Nazarbaev áńgime barysynda kezdesýdiń mańyzdylyǵyna toqtalyp, qazirgi ýaqytta Qazaqstanda júzege asyrylyp jatqan ekonomıkalyq jobalar jóninde aıtty.

– Biz «Sıfrlyq Qazaqstan» baǵdarlamasyn júzege asyryp jatyrmyz. Halyqaralyq  «EKSPO-2017» kórmesin ótkizdik. Kórme ınfraqurylymynyń bazasynda «Astana» halyqaralyq qarjy ortalyǵyn quramyz. Onyń barlyq qatysýshylaryna aıryqsha jeńildikter qarastyrylǵan, – dedi Qazaqstan Prezıdenti.

Nursultan Nazarbaev ınvestısıa salasyndaǵy qatynastardy nyǵaıtýdyń jáne ózara tıimdi ekonomıkalyq jobalardy júzege asyrýdyń mańyzdylyǵyn atap ótti.

R. Ýoshbern «EKSPO-2017» kórmesinen alǵan áserimen bólisip, aldaǵy ýaqytta Qazaqstannyń «Kazakh Invest» kompanıasymen yntymaqtastyq týraly memorandýmǵa qol qoıylatynyn aıtty.