Memleket basshysy kezdesýde AQSH Prezıdenti Donald Tramppen júrgizilgen kelissózder barysynda qol jetkizilgen nátıjelerge toqtaldy, dep jazady Qamshy.kz aqparat agenttigi Aqordanyń baspasóz qyzmetine silteme jasap.

Nursultan Nazarbaev Qazaqstan men AQSH-tyń munaı-gaz salasyndaǵy yntymaqtastyǵyna oń baǵa berip, Teńiz jáne Qashaǵan ken oryndaryndaǵy jobalardyń júzege asyrylýy jóninde aıtty.

Memleket basshysy Qazaqstandaǵy ónimdi qaıta óńdeý isinde ınvestorlardyń kúsh-qýattaryn arttyrýy qajettigine nazar aýdardy.  

Qazaqstan Prezıdenti elimizdegi jasyl energetıkany damytýǵa arnalǵan jobalardyń júzege asyrylýy jóninde áńgimelep, R.Perrıdi Tómen baıytylǵan ýran bankiniń ashylýy týraly habardar etti.

AQSH-tyń energetıka mınıstri kezdesýge rızashylyǵyn bildirip, ınvestısıalyq yntymaqtastyqty nyǵaıtýǵa septigin tıgizetin negizgi faktorlardy atady.

Kezdesý sońynda taraptar munaı-gaz jáne energetıka salalaryndaǵy ekijaqty qatynastardy odan ári damytýǵa qatysty pikirlerimen bólisti.