5 aqpanda «Qazaqstan ınjınırıń» kompanıasy tóraǵasynyń burynǵy orynbasary Qanat Sultanbekovtiń túrmedegi jazasy aıyppulmen almastyrylǵany habarlandy. Sultanbekov para alǵany úshin 2 mıllıard 139 mıllıon teńge aıyppul tóleýge mindetteldi. Jazasy jeńildetilgen basqa da qazaqstandyq eks-sheneýnikterdi Tengrinews.kz tilshisi tizip shyqqan eken.

Burynǵy aýyl sharýashylyǵy vıse-mınıstri Múslim Ómiraev

Burynǵy vıse-mınıstr 2013 jyly memlekettik tapsyrysqa qatysty iste 100 000 dollar kóleminde para alǵany úshin ustaldy.

2014 jyly sot Ómiraevty aıypty dep tanyp, qatań rejimdegi kolonıada 10 jylǵa bas bostandyǵynan aıyrý jazasyna kesti. Advokaty sot úkimine shaǵymdansa da, apelásıalyq aryzy qabyldanbady.

Tek 2016 jyldyń 28 jeltoqsanynda sot Ómiraevtyń ótinishin qaıta qarap, shartty túrde bas bostandyǵynan aıyrýǵa úkim shyǵardy.

Eks-premer Serik Ahmetovtiń isi

Qazaqstannyń burynǵy premer-mınıstri Serik Ahmetov 2014 jyldyń qarashasynda úıqamaqqa alynǵan bolatyn. Sot otyrysy 2015 jyldyń tamyzynda bastalyp, tórt aıǵa jalǵasty. Qylmystyq is 338 tomǵa jetti, onyń 9 tomy aıyptaý aktisinen turady. Jalpy 82 sot otyrysy ótti. 260 kýágerden jaýap alyndy. Proseske 4 memlekettik aıyptaýshy jáne 42 advokat qatysty. 2015 jyldyń jeltoqsanynda sot ony 10 jylǵa bas bostandyǵynan aıyrdy. Keltirilgen shyǵyndy ótegen soń onyń merzimi 8 jylǵa qysqardy. 

Túrmede Ahmetov jaqsy tártibimen kózge tústi, kolonıanyń qoǵamdyq jumystaryna belsene aralasty.

Osyǵan baılanysty 2017 jyly 21 qyrkúıekte Serik Ahmetov bostandyqqa shyqty. QR Qylmystyq Kodeksiniń 73-babyna sáıkes, sottalýshy túrmedegi merziminiń úshten birin ótese jáne keltirgen shyǵyndy tolyq tólese, sot onyń jazasyn jeńildete alady.

2016 jyldyń kókteminde Qaraǵandy oblysy men Qaraǵandy qalasy ákimderiniń jazasy jeńildetildi

Qaraǵandy oblysynyń eks-ákimi Baýyrjan Ábdishevtiń bes jyl bas bostandyǵynan aıyrylǵan jazasy úsh jylǵa qysqardy, al Qaraǵandynyń burynǵy ákimi Meıram Smaǵulovtyń úsh jyldyq jazasy eki jylǵa qysqardy. Alaıda bul eki jazany da ákimder ótep úlgergen joq. Burynǵy sheneýnikter jaqsy tártibimen kózge túsip, sot olardy bostandyqqa shyǵarýdy uıǵarǵan.

Qostanaı ákimi men onyń orynbasarlary

Qostanaıdaǵy «úlken ákimdik isi» 2015 jyldyń jazynda bastalǵan. Qala ákiminiń orynbasarlary – Maqsut Qalıev 13 mıllıon teńge, al Frýnzık Arakelán 300 myń teńge para alǵany úshin sottaldy.

Orynbasarlarynyń sottalǵanyn estigen Qostanaı ákimi Ahmetbek Ahmetjanov eseńgirep qaldy. Alaıda kóp uzamaı ózi de isti bolyp, qyzmetinen bosatyldy.

Ahmetbek Ahmetjanov 13 jylǵa bas bostandyǵynan aırylyp, qatań  rejimdegi kolonıada jazasyn óteıtin boldy. Orynbasarlarynyń biri tórt jylǵa, ekinshisi jeti jylǵa sottaldy.

Keıin orynbasarlarynyń jazasy jeńildetildi. Fýnzık Arakelánnyń jaza merzimi eki ese qysqardy. Al Maqsut Qalıevtiń jaza merzimi úsh jylǵa deıin azaıyp, kóp ótpeı bostandyqqa shyqty. Birneshe aıdan soń eks-ákimniń de jaza merzimi 13 jyldan alty jylǵa deıin qysqardy.

«Qazaqstan ınjınırıń» kompanıasynyń burynǵy orynbasary Qanat Sultanbekov

2017 jyldyń qarashasynda sot Qanat Sultanbekovti para alǵany úshin aıypty dep tanyp, 10 jylǵa bas bostandyǵynan aıyrǵan. Qylmystyq istiń ózge de qatysýshylary túrli jazaǵa kesildi.

2018 jyldyń aqpanynda ashyq sot otyrysynda Qanat Sultanbekovtiń isi qaıta qaraldy. 5 aqpanda ótken sot «Qazaqstan ınjınırıń» kompanıasy basshysynyń burynǵy orynbasaryna 2 mlrd teńge aıyppul salyp, bostandyqqa shyǵardy. Onymen sybaılas bolǵan Izraıl azamaty Gıl Smolenskıı de túrmeden qutylǵanymen, úsh ese kóp aıyppul tóleıdi.

Appelásıalyq sot Sultanbekovtiń jaqsy tártibi men otbasylyq jaǵdaıyn eskere otyryp, osyndaı sheshimge kelgen eken.

Joǵarydaǵy tizim para alǵan sheneýnikterden túzildi. Alaıda qylmystyń bul túri óner adamdaryn da aınalyp ótpedi. Jazasy jeńildetilgen sottalýshylardyń qatarynda Áýezov teatrynyń burynǵy dırektory da bar.

Kúni keshe sot Erlan Bilálge qatysty úkim shyǵardy.

Bıyl 5 qańtarda akter 1,5 mıllıon teńge para alǵany úshin sottalǵan. 16 qańtarda Erlan Biláldiń 1 205 000 teńge kóleminde kepilge aqsha tólegeni belgili boldy. Sottaǵy sońǵy sózinde Erlan Bilál óz kinásin tolyq moıyndap, jasaǵan isine ókinetinin aıtqan. Densaýlyǵy men otbasylyq jaǵdaıyn eskerip, bostandyǵynan aıyrmaýdy suraǵan.

7 aqpanda ótken sot otyrysynda sýdıa Qýanysh Áripov Erlan Biláldi Qylmystyq kodekstiń 24-babynyń úshinshi tarmaǵy (Qylmysqa daıyndalý jáne qylmysqa oqtalý) jáne 366-babynyń ekinshi tarmaǵy (Para alý) boıynsha aıypty dep tanyp, oǵan 52,5 mıllıon teńge aıyppul saldy. Ómir boıyna memlekettik qyzmetpen aınalysý quqyǵynan aıyrdy.

Aıyppuldy bir aı ishinde tólemese, úsh jyldan jeti jylǵa deıin túrmege otyrýy múmkin ekenin eskertti.