Qazaqstan halqy 18 mıllıonnnan asty. Jaqynda eldegi jan sanyn 20 mıllıonǵa jetkizý josparda bar. Ol úshin arnaıy memlekettik jospar quryldy.
Qazaqstandaǵy týý jáne ólim kórsetkishi
2017 jyly ólim kórsetkishi 2% azaıyp, myń adamǵa shaqqanda 7,46% boldy. Al memlekettik jospar boıynsha 6,97% bolýy qajet edi.
QR Ulttyq ekonomıka mınıstrligi Statısıka komıtetiniń málimetine sáıkes, Qazaqstanda ár 83 sekýndta bir adam dúnıege keledi. Al ár 228 sekýndta bir adam óledi.
Qazaqstanda jyl basynan beri tiri týǵandar sany – 45221 adam.
Ólgender sany – 17052 adam.
Ólim kórsetkishi eldegi densaýlyq saqtaý salasynyń deńgeıine tikeleı baılanysty. Sarapshylardyń pikirinshe, qazaqstandyq áıelderde kóbinese qan azdyq, qan aınalym júıesindegi aqaýlar, endokrındik júıedegi aýrýlar kezdesedi. Sonyń saldarynan, dúnıege saý bala kelmeı, sábıler óli týatyn oqıǵalar jıi kezdesedi. Mundaı dertke shaldyqqan áıelderdiń bosaný kezinde qaıtys bolý yqtımaldyǵy joǵary.
Statısıkalyq málimetke súıensek, áıelderdiń ólim sebebiniń 46,0% bosaný kezindegi qıyndyqtarǵa baılanysty.
Al sábılerdiń shetineýi myna jaǵdaılarǵa baılanysty:
Dárigerler júktilikti josparlamas buryn densaýlyqqa durys kóńil bólýge keńes beredi.
2016–2019 jyldarǵa arnalǵan memlekettik «Densaýlyq» baǵdarlamasy Qazaqstan azamattarynyń jáne ana men balanyń densaýlyǵyn nyǵaıtýǵa baǵyttalǵan.
Emıgranttar men ımıgranttar
Qazaqstanǵa kelip-ketip jatqandardyń sany 2017 jylmen salystyrǵanda kóp emes. Byltyr da, bıyl da ımıgranttar men emıgranttar sanynda aıtarlyqtaı aıyrmashylyq joq. Statısıka komıtetiniń málimetine júginsek, 2017 jyly ımıgranttar sany - 2 183, emıgranttar sany - 2 408.
2018 jyly Qazaqstanǵa 1 938 ımıgrant keldi. 458 emıgrant shetke ketti.
Qazaqstandaǵy áıelder men erkekter
