Atmosferalyq fronttardyń ótýine baılanysty 6 naýryzda Qazaqstannyń basym bóliginde jaýyn-shashyn jaýyp, jel kúsheıedi. Bul týraly «Qazgıdromet» RMK habarlady.

Qazaqstannyń ońtústiginde dabyldy eskertý jarıalandy:  6 naýryzda Jambyl oblysynda ońtústik-batys, batys jeli soǵady, kúshi keı jerlerde 15-20, ekpini 23-28 m/s, kúndiz oblystyń ońtústik-batysynda 30 m/s asady.

Taraz qalasynda ońtústik-batys, batys jeliniń ekpini 15-20, keı ýaqytta 23-28 m/s bolady dep kútiledi.

Ońtústik Qazaqstan oblysynda kúndiz jańbyr, al taýly aımaqtarda qatty jańbyr kútiledi. Kúndiz keı jerlerde naızaǵaı bolady. Ońtústik-batys, batys jeli soǵady, kúshi túnde keı jerlerde 15-20 m/s, kúndiz 15-20, taýly aımaqtarda 30 m/s jetedi. 

5-7 naýryzda Almaty, Jambyl, Ońtústik-Qazaqstan, Qyzylorda oblystary boıynsha keı jerlerde qatty jaýyn-shashyn bolady. Osyǵan baılanysty, muz erip, taýly ózenderde sý deńgeıi kóterilip, jaıylmaǵa shyǵýy múmkin. 

Soltústik Qazaqstan, Aqmola, Shyǵys Qazaqstan oblystarynda jeldiń ekpini sekýndyna 23-28 metr, kúndiz keı jerlerinde 30 m/s jáne odan joǵary jyldamdyqta bolatyny boljanady. Sondaı-aq tuman, kóktaıǵaq kútiledi. 

 Qaraǵandy oblysynda 15-20 m/s ekpindegi jeldiń kúshi 25 m/s jetedi. Keı jerlerinde burqasyn, tuman, kóktaıǵaq bolady. 

 Pavlodar oblysynyń keı jerlerinde burqasyn, tuman, kóktaıǵaq bolady, kúndiz basym bóliginde jeldiń kúshi 23-28 m/s jetedi. 

Qostanaı, Aqtóbe oblystarynda jeldiń ekpini 23-28 m/s artady. Keı jerlerinde burqasyn, tuman, kóktaıǵaq boljanady. 

Mańǵystaý oblysynyń keı jerlerinde tuman kútiledi, jel 15-20 m/s deıin kúsheıedi, túnde - jaıaý burqasynmen. 

Batys Qazaqstan oblysynyń keı jerlerinde tuman, kóktaıǵaq bolady, jeldiń kúshi 15-23 m/s artady. Batys Qazaqstan oblysynda sondaı-aq burqasyn boljanady.