Jobalyq basqarý kórsetkishteri aıasynda «Eńbek ónimdiligin arttyrý» ındıkatorynan basqa 4 kórsetkishke qol jetkizildi. Memlekettik baǵdarlamanyń 2017 jylǵa josparlanǵan 123 is-sharasynyń 122-si oryndaldy, tek 1-ýi oryndalǵan joq.

Qoǵamdyq densaýlyq saqtaýdy damytýdyń birinshi baǵytyn iske asyrý aıasynda 24 shara oryndaldy. Qyzmettiń ınstıtýsıonaldyq negizi quryldy, halyqaralyq seriktestermen birlesip ázirlengen Jol kartasy iske asyrylyp jatyr. Qoǵamdyq densaýlyq saqtaý boıynsha negizgi jumys eń aldymen sozylmaly ınfeksıalyq emes aýrýlardyń profılaktıkasyna jáne halyq arasynda salaýatty ómir saltyn nasıhattaýǵa baǵyttalǵan. Balalardyń densaýlyǵyn saqtaýdy sabaqtastyrý úshin mektep medısınasy bilim berý júıesinen densaýlyq saqtaý júıesine berildi, sonymen birge mektepte tamaqtandyrýdyń biryńǵaı standarttary men sýısıdterdiń aldyn alý baǵdarlamasy engizilýde.

Densaýlyq saqtaýdyń barlyq qyzmetterin ıntegrasıalaý boıynsha ekinshi baǵyt aıasynda medısınalyq-sanıtarıalyq alǵashqy kómekke qoljetimdilikti qamtamasyz etý jónindegi is-sharalar oryndaldy. Atalǵan sharalar ana, náreste ólimi men elimiz boıynsha jalpy qaterli isikterden bolatyn ólimdi tómendetýge múmkindik berdi.

«100 naqty qadam» Ult josparynyń 82-qadamyna sáıkes úshinshi baǵyt boıynsha mindeti jańa standarttardy, sondaı-aq medısınalyq kómek kórsetý tehnologıalaryn bekitý jáne engizý bolyp tabylatyn Sapa jónindegi birikken komısıa quryldy. Elektrondyq formatta kórsetý arqyly memlekettik qyzmetterdiń qoljetimdiligi men yńǵaıly bolýyn arttyrý jumystary júrgizilýde. Júrgizilgen is-sharalardyń nátıjesinde halyqtyń medısınalyq kómekpen qanaǵattaný deńgeıiniń nysanaly ındıkatory 46%-ke deıin ósti.

Tórtinshi baǵyt aıasynda dárilik zattardyń qoljetimdiligin, sapasy men qaýipsizdigin arttyrý kózdelgen. Memleket basshysynyń tapsyrmasy boıynsha barlyq dárilik zattarǵa arnalǵan baǵalardy retteý týraly zań jobasy ázirlenip, Parlamentke engizildi. 2017 jyly otandyq taýar óndirýshilermen 25 jańa uzaq merzimdi shart jasaldy. Bul zattaı máninde otandyq taýar óndirýshilerden dárilik zattardy satyp alý úlesin 48%-ke deıin ulǵaıtýǵa múmkindik berdi. OTÓ kóleminiń ósýi 33%-ti qurady nemese aqshalaı máninde 45 mlrd teńgeni qurady.

Normatıvtik-quqyqtyq bazany jetildirý jáne satyp alýdyń ashyqtyǵyn qamtamasyz etý 18,2 mlrd teńgeni únemdeýge múmkindik berdi, olar dárilik zattardy qosymsha satyp alýǵa jiberildi. Júrgizilgen is-sharalar farmasevtıkalyq ónerkásiptiń fızıkalyq kóleminiń ındeksin 43%-ke arttyrýǵa jol ashty.

Besinshi baǵyt aıasynda mindetti áleýmettik medısınalyq saqtandyrýdy engizýge daıyndyq júrgizilýde. 2017 jyly táýekelderge taldaý júrgizildi jáne ózin-ózi jumyspen qamtyǵan halyq sanynyń joǵary bolýyna baılanysty MÁMS-ty engizý merzimderi aýystyryldy.

Altynshy baǵyt — bul adamı resýrstardy basqarý tıimdiligi. Pedıatrlar, akýsher-gınekologtardy jáne basqa da qajetti mamandyqtar boıynsha praktıkaǵa jiberý sharttarynyń ózgertilýi esebinen dáriger mamandar tapshylyǵy tómendetildi. Medısınalyq joǵary oqý oryndarynyń jetekshi sheteldik ýnıversıtetterimen strategıalyq áriptestigi arqyly medısınalyq bilimdi jańartý bastaldy. Ýnıversıtettik klınıka modeli ázirlendi jáne medısınalyq uıymdar ýnıversıtetterdiń quramyna biriktirilgen.

Jetinshi baǵyt aıasynda densaýlyq saqtaýdyń ınfraqurylymyn odan ári damytý maqsatynda memlekettik-jekeshelik áriptestik jáne zamanaýı aqparattyq-kommýnıkasıalyq tehnologıalar negizinde densaýlyq saqtaý uıymdary jelisiniń jańa memlekettik normatıvi bekitildi. Osy jyly Biryńǵaı perspektıvalyq jospar bekitiledi. Densaýlyq saqtaýdy sıfrlyq jańartý maqsatynda 4 óńirde (Qaraǵandy, Aqmola, Qostanaı jáne Batys Qazaqstan oblystary) medısınalyq qujattardy pılottyq qaǵazsyz júrgizý iske qosyldy, medısınalyq uıymdardy aqparattyq júıelermen qamtý 75,5% qurady, kompúterlermen jaraqtandyrý 2,5 ese artty. 56% medısınalyq uıymdarda ınternet qoljetimdi.

«Jalpy Memlekettik baǵdarlamanyń 35 kórsetkishiniń 30-y oryndaldy, 5 – oryndalǵan joq, onyń ishinde 1-i MÁMS engizý merziminiń aýysýyna baılanysty oryndalmady. Jalpy ólim jáne ana óliminiń kórsetkishteri boıynsha jaqsarý baıqalyp otyr», — dep qorytyndylady E. Birtanov.