2018 jyldyń 1 shildesinen bastap Qazaqstanda bazalyq zeınetaqy kólemi artady jáne balalyq shaqtan bastap İ top múgedekterine qamqorlyq jasaıtyn adamdar úshin jańa járdemaqy engiziledi.

Bul týraly Ortalyq komýnıkasıalar qyzmetiniń baspasóz máslıhatynda Eńbek jáne halyqty áleýmettik qorǵaý mınıstri Mádına Ábilqasymova málimdedi.

Jıynnyń negizgi taqyryby Eńbek jáne halyqty áleýmettik qorǵaý mınıstrliginiń 2017 jylǵa deıingi jumysynyń qorytyndylary jáne 2018 jyly jumys isteýdiń basym baǵyttaryna arnaldy.

Baspasóz máslıhatyn ashqan vedomstva basshysy Elbasy tapsyrmalaryn oryndaýda júzege asyrylyp jatqan áleýmettik-eńbek salasyndaǵy aıtarlyqtaı ózgerister týraly baıandap berdi.

Áleýmettik qoldaý júıesin jetildirý maqsatynda bıyl 2 shildede Memleket basshysy «Áleýmettik qamsyzdandyrý máseleleri boıynsha Qazaqstan Respýblıkasynyń keıbir zańnamalyq aktilerine ózgerister men tolyqtyrýlar engizý týraly» Zańǵa qol qoıdy. Atalǵan zań 18 jasqa tolǵan bala kezinen İ toptaǵy múgedekterdiń qamqorshysyna arnalǵan jańa nusqaýlyqty engizýdi kózdeıdi. Bul shamamen 14 myń otbasyǵa aı saıyn 30 myń teńge kóleminde aqshalaı kómek alýǵa múmkindik beredi.

Áleýmettik-eńbek salasyndaǵy taǵy bir oń ózgeris, 2018 jyly Ataýly áleýmettik kómek kórsetýdiń jańa formaty engizildi. Bul az qamtylǵan otbasylardyń eńbekke qabiletti múshelerin jumysqa ornalastyrýǵa járdemdesedi.

Sonymen, bıyl sońǵy 5 aıda AÁK shamamen 72 myń otbasyna berildi. Atalǵan kómekti alǵan eńbekke qabiletti azamattardyń 70%-y jumyspen qamtý sharalaryna tartylyp oty, al, járdemaqylar kólemi ortasha esepppen eki esege ósti.

Mınıstr bıyl 1 shildeden bastap zeınetaqynyń negizgi deńgeıi jańǵyrtylyp, eńbek ótiliniń merzimine baılanysty ózara qamtamasyz etetinin aıtty.

«Memleket basshysynyń joldaýyn iske asyrý maqsatynda zeınetaqy júıesi tolyq eńbek ótiliniń merzimine baılanysty bolady. 2 mıllıonnan astam zeınetkerdiń zeınetaqysy ósedi, onyń ishinde 1 mıllıonǵa jýyq adam eń joǵarǵy mólsherde bazalyq zeınetaqy alatyn bolady, al 930 myń adamnyń zeınetaqysy 37% -dan 81% -ǵa deıin kóteriledi. Osylaısha, bazalyq zeınetaqynyń ortasha mólsheri 2017 jylmen salystyrǵanda 1,8 esege artady», - dedi Mádına Ábilqasymova.

Elbasynyń shaǵyn nesıeleýdi keńeıtýge baǵyttalǵan tórtinshi áleýmettik bastamasyn iske asyrý, halyqty tabyspen qamtamasyz etýdiń mańyzdy sharty. Memleket basshysynyń qoıǵan mindetine sáıkes, bul úshin qosymsha 20 mlrd teńge bólinip, oǵan jumsalatyn qarjy 62,4 mlrd. teńgege jetip otyr. Osynyń nátıjesinde jeke isin ashqysy keletin 14 myń adam shaǵyn nesıemen qamtylatyn bolady.

Sondaı-aq, Mınıstr Eńbek jáne halyqty áleýmettik qorǵaý mınıstrliginiń 2017 jylǵa arnalǵan jumysynyń qorytyndysyn shyǵardy

Vedomstva basshysy atap ótkendeı, 2017 jyly qabyldanǵan áleýmettik mindettemeler tolyǵymen oryndaldy.

«Memlekettik áleýmettik járdemaqylar men áleýmettik kómek salasyna 2017 jyly 2,1 trln. teńge qarjy qarastyryldy, bul 2016 jylmen salystyrǵanda 13% -ǵa joǵary boldy jáne respýblıkalyq búdjet shyǵystarynyń 26%-yn qurady. 2017 jyly 2 mıllıonnan astam qazaqstandyqtyń zeınetaqysy eki ese artty, onyń mólsheri 20 paıyzǵa ósti. Bir jasqa deıingi bala kútimine beriletin áleýmettik tólemder kólemi 7% -ǵa artty.» - dedi M.Ábilqasymova.

Nátıjeli jumyspen qamtý jáne jappaı kásipkerlikti damytý baǵdarlamasy sheńberinde 576 myń azamat jumyspen qamtylyp, 450 myń adam turaqty jumysqa ornalasty.

Jappaı kásipkerlikti damytý týraly aıtqan vedomstva basshysy, «Atameken» UQP-men birlesip júzege asyrylyp jatqan «Bastaý-Bıznes» jobasynyń aıasynda mıkrokredıtteýdiń jańa formatyna jáne kásipkerlik negizderin oqytýdyń múmkindikterine toqtaldy. Jalpy byltyr 15 myń adam kásipkerlik negizderin oqydy. Budan bólek, 7,2 myń adam shaǵyn nesıe alyp, olardyń 4 myńnan astamy iske asyrylatyn start-up jobalarǵa baǵyttaldy. Osynyń kómegimen 4,3 myń qosymsha turaqty jumys oryndaryn qurýda mańyzdy mýltıplıkatıvtik nátıjege qol jetti.

Eńbek utqyrlyǵyn yntalandyrý úshin jumys kúshi mol aımaq turǵyndary soltústik óńirlerge kóshirilip, 1565 otbasy qonys aýdardy. Bul kórsetkish 2016 jylmen salystyrǵanda 8 esege artty.

Qaýipti eńbek jaǵdaılary men óndiristik jaraqattardyń aldyn alý úshin jumys berýshiler kásipodaqtarmen birge 12 myńnan astam óndiristik keńester qurdy. Respýblıkadaǵy 1700-den astam iri kásiporyn eńbek qorǵaý standarttaryn engizdi, 1500 jumys berýshi jumys oryndarynda attestasıalaý júrgizdi.

Mınıstrliktiń qabyldaǵan sharalary nátıjesinde 2017 jyly 3 mlrd. teńge kóleminde bereshek ótelip, 25 myń jumysshynyń quqyǵy qorǵaldy.

2017 jyly qol jetkizilgen oń nátıjeli isterdiń barlyǵy 2018 jyly halyqtyń áleýmettik qorǵaýlýy men azamattardyń ómir sapasyn odan ári arttyrýǵa negiz bolady.

Madına Ábilqasymovanyń aıtýynsha, 2018 jyly Memleket Basshysynyń alǵa qoıǵan mindetterin eskere otyryp, mınıstrliktiń jumysy birqatar basymdyqtarǵa baǵyttalǵan. Olar - azamattardyń jekelegen sanattaryn áleýmettik qoldaý júıesin jetildirý; jańa ekonomıka úshin jańa qalyptasqan kadrlar daıarlaý; jumyspen qamtýdy resimdeý jáne barlyq qazaqstandyqtardy áleýmettik qamsyzdandyrý júıesine qosý; laıyqty eńbek jaǵdaılaryn qamtamasyz etý jáne qyzmetkerlerdiń eńbek quqyqtaryn qorǵaý bolyp tabylady.

Osy maqsattardy iske asyrý úshin 2018 jyldyń 1-qańtarynan bastap eń tómengi kúnkóris deńgeıiniń qurylymy qaıta qaraldy. Nátıjesinde osyǵan baılanysty 3 mıllıonnan astam qazaqstandyqqa beriletin barlyq áleýmettik tólemder 16%-ǵa deıin ulǵaıdy.

   Áleýmettik saqtandyrý júıesinde áleýmettik tólemderdiń parametrleri olardyń jumys tájirıbesimen baılanysyn kúsheıtý úshin qaıta qaralady jáne koefısıentterdiń artýy qoldanylady. Tıisti zań jobasyn jyl sońyna deıin ázirlenetin bolady.

Erekshe qajettilikterge muqtaj adamdarǵa áleýmettik qyzmet kórsetý júıesi túbegeıli ózgeredi. Múgedekterdiń medısınalyq-áleýmettik saraptamasynyń tártibi men merzimderin ońtaılandyrý maqsatynda medısınalyq jáne áleýmettik saraptamanyń jańa formaty jasaldy jáne pılotty rejımde júrgizildi. 

   2018 jyldyń sońyna deıin múgedektikke qatysty 8 qyzmet belsendi rejımge kóshedi.

   Áleýmettik jumysshylar biliktiligin jetildirý úshin 2018 jyly Áleýmettik jumys jónindegi ulttyq resýrstyq ortalyq qurylady.

   Osy sharalardyń nátıjesinde 500 myńnan astam múmkindigi shekteýli jandarǵa jáne ómirlik qıyn jaǵdaıǵa tap bolǵan 100 myńnan astam adamǵa qyzmet kórsetýdiń qoljetimdiligi jaqsarady.

   Besinshi basymdyqty iske asyrý sheńberinde 2018 jyly Jumyspen qamtýdy damytý baǵdarlamasyn júzege asyrýǵa 110,6 mlrd. teńge bólindi, bul 500 myńnan astam azamatqa jumysqa ornalasýǵa járdemdesý sharalaryn qamtýǵa múmkindik beredi.

Bıyl mınıstrlik eńbek naryǵyn jańǵyrtý jáne synaqtarǵa daıyndaý boıynsha jańa jumysty bastady. Qandaı kadrlarǵa suranys bar soǵan boljam jasaıtyn júıeni damytý. Bıyl jańa kásipterdiń Ulttyq jiktemesi engizildi. Onyń kómegimen eńbek resýrstarynyń quramy myńǵa jýyq mamandyqtar toptamasyna baǵalanady. Ulttyq biliktilik sheńberin qalyptastyrý jalǵasady. Sol boıynsha jumys berýshiler mamandyqtar boıynsha bilim men daǵdylar jıyntyǵynyń kásibı standarttaryn anyqtaıtyn bolady.

            Búgingi tańda, iri kásiporyndarmen birlesip, eńbek resýrstaryn basqarýǵa arnalǵan «Jol kartalaryn» ázirleý jáne oǵan qol qoıý, bosaǵan qyzmetkerlerdiń boljamyn, olardy qaıta daıarlaýǵa jáne odan ári jumysqa ornalasýǵa járdemdesýdi kózdeıtin jumystar júrgizilýde.

            Qazirgi kezde respýblıkanyń 387 kásipornymen 400 myńnan astam adam jumys isteıtin Jol kartalaryna qol qoıyldy. 139 iri kásiporynmen jumys júrgizilýde.

Eńbek daýlarynyń qaýpin boldyrmaý úshin ony sheshýdiń jańa sharalary bekitiledi.

Azamattardyń nátıjeli jumysqa ornalasýyna jáne turaqty tabys tabýyna  arnalǵan ınternet-portal negizinde jumys isteıtin Elektrondyq eńbek bırjasy  enbek.kz  onlaın-platformasy quryldy. Onda jumys izdeý jáne jumysqa qabyldaý tetikteri kórsetilgen.  Búginde bul ınternet-portalda 42 myńnan astam bos jumys orny, 85 myńnan astam túıindeme jáne 48 myńnan astam jumys berýshi tirkelgen.

Sonymen qatar, bıyl ózin-ózi jumyspen qamtyǵan azamattardy tirkeýdiń quqyqtyq jáne áleýmettik negizderin jasaý úshin Jumyspen qamtýdy rásimdeý týraly zań jobasy engizildi. Bul jańa quqyqtyq Biryńǵaı jıyntyq tólemdi qurýǵa baǵyttalǵan.

Mınıstr atap ótkendeı, vedomstvanyń naqty baǵyty - sıfrlandyrý. Mınıstrlik azamattardyń, onyń ishinde múgedekterdiń memlekettik organdarǵa ótinish jasamaı-aq, kórsetiletin qyzmetterdi belsendi júzege asyrady. Jumyspen qamtý prosesi elektrondy formatqa aýystyrylady: ol - jumys izdeýden bastap elektrondy eńbek kitapshalaryn engizý.