QR Eńbek jáne halyqty áleýmettik qorǵaý vıse-mınıstri Narıman Nurlanuly Muqyshev aldaǵy ýaqytta jumysqa ornalasý úshin tek jeke kýáliktiń ǵana qajet bolatyndyǵyn atap ótti. Bul týraly ol Astanadaǵy Astana Hub tehnoparkinde bolǵan kezdesýde málimdedi.

«Biz aldymyzǵa eki maqsat qoıdyq. Onyń biri – jumysqa tek jeke kýálik arqyly ornalasý. Qazirgi kezde jumysqa turý úshin dıplom, 086Ý anyqtamasy jáne t.b. qujattar talap etilip keledi. Endigi ýaqytta tek qana jeke kýálik arqyly jumysqa ornalasýǵa bolady», - dedi N. Muqyshev.

Sondaı-aq, ol eńbek kitapshasynyń aldaǵy ýaqytta túbegeıli joıylatynyn, bul maqsatta jańa júıeniń qurylatyndyǵyn málimdedi.

«Ekinshi maqsatymyz – eńbek kitapshasynan múldem bas tartý. Bul úshin biz ne istedik? Osyǵan baılanysty, kelisim-sharttardyń biryńǵaı saqtaý júıesin qurdyq. Budan ózge, jeke kýálikti aıtpaǵanda qujatsyz júıege kóshý men IT-naryǵyn yntalandyrý da basty maqsattarymyzdyń biri sanalady», - dedi vıse-mınıstr.

Onyń aıtýynsha, sáttilikke jetýdiń basty sebebi – istep júrgen iske jaýaptylyqpen qarap, baryn salyp qyzmet etýde eken.

«Búgin men AT startap týraly emes, jalpy tásilder týraly aıtqym kelip tur. Óıtkeni, ádister barlyq salaǵa kerek. Eger biz ózimiz istep júrgen isimizge mán beretin bolsaq sáttilikke de, jetistikke de jetetin bolamyz. Ár adam janyn salyp eńbek etse, júregimen qyzmet etse bári de bolady. Eń basty ınvestısıa - ol ózińe quıý. Ol degenimiz - jańa bilimder men jańa daǵdylar», - dep atap ótti Narıman Nurlanuly.

Kezdesý barysynda vıse-mınıstr elimizdegi e-kommersıanyń damý jaǵdaıy jóninde, sondaı-aq, sıfrlandyrýdyń aıasynda júzege asyp jatqan jobalar men proaktıvti qyzmetterge toqtaldy.

«Elektrondy komersıa elimizdegi qarqyndy damyp kele jatqan salalardyń biri. Onyń damý qarqyny Qazaqstanda 100 paıyzdy kórsetip otyr. Al, bul kórsetkish álemde 50-60 paıyzdy qurap otyr. Osydan kóretinimiz bizdiń azamattarymyz onlaın-saýdany tez meńgerip, jyldam beıimdelýde», - dedi ol. 

Aıta keteıik, atalǵan shara 24 shildede Astana qalasyndaǵy Astana Hub tehnoparkinde ótti. Oǵan bıznes ókilderi men óz isterin jańadan bastap jatqan kásipkerler jáne İT mamandary qatysty. Olar vıse-mınıstrdiń baıandamasynan keıin ózderin tolǵandyrǵan suraqtaryn joldap, ózara pikir almasty. Sonymen qatar, Eńbek jáne halyqty áleýmettik qorǵaý mınıstrliginde sıfrlandyrý qalaı júrip jatqany týraly spıkerden IT-tehnologıalardaǵy tájirıbemen bólisýdi surady.