Golovkın men Alvarestiń úshinshi jekpe-jegi mamyr aıynda ótýi múmkin dep jazady Qamshy.kz aqparat agenttigi sport.kz saıtynyń deregin negizge ala otyryp. Bul týraly Golovkınniń bapkeri málimdedi.
"Men bıznes turǵysynan qaraǵanda barlyq múmkindikti "Kanelo" ǵana emes, Golovkın de óz paıdasyna asyrý kerek dep esepteımin. Golovkın men Alvares stıldik jaǵynan alyp qaraǵanda bir-birine saı keletin qarsylas. Erık Gomes jekpe-jekten keıin meniń qasyma kelip, "biz taǵy da úshinshi jekpe-jekti ótkizýimiz qajet" dedi. Al men bolsa Tommen aqyldasý kerektigin aıttym. Meniń oıymsha, 5-mamyr bul jekpe-jekti ótkizýge qolaıly ýaqyt", deıdi Sanches.
Al Golovkın jyldyń sońynda ne 2019 jyldyń qańtar aıynda rıngke oralýy múmkin be degen suraqqa da birden "joq", dep jaýap berdi. Sanchestiń aıtýy boıynsha, Golovkınge qazir demalys qajet.
"Golovkın birneshe jekpe-jekte jaqsy óner kórsetti. Men qazir onyń demalys alǵanyn qup kóremin. 2019 jyldyń alǵashqy aılarynda ǵana 5 mamyr kúni ótetin revanshqa daıyndyqty bastasa deımin", dep jaýap berdi Sanches.
